اقتاۋداعى جەكەمەنشىك بالاباقشادا بالالار ەدەندە ۇيىقتاعانى بەلگىلى بولدى، دەپ حابارلايدى “ادىرنا” ءتىلشىسى “لادا” پورتالىنا سىلتەمە بەرىپ.
الەم جەلىدە تاعى ءبىر بالاباقشادا بالالاردىڭ ەدەندە ۇيىقتاپ جاتقان سۋرەتى جاريالاندى. جەلى قولدانۋشىلارى بۇل سۋرەتتەردى قىزۋ تالقىعا سالعان.
بۇل سۋرەتتەر اقتاۋ قالاسىنداعى “بەساتا” بالاباقشاسىندا تۇسىرىلگەن. سۋرەتتەرگە قاتىستى اتالمىش بالاباقشانىڭ وكىلى جاۋاپ بەردى.
- بارلىق بالالارعا ارنالعان توسەك بار، بىراق كەيبىر بالالار وعان جاتقىسى كەلمەيدى، ولاردىڭ اتا-انالارى بۇل تۋرالى بىلەدى جانە كەلىسەدى. وعان قوسا، ەدەندە كىلەم توسەلگەن، ونىڭ ۇستىنە ماتراتس پەن كورپە جاتادى،- دەيدى باسشىلىق.
باسشىلىقتىڭ ايتۋىنشا، بۇل سۋرەتتەردى بالاباقشانىڭ بۇرىنعى قىزمەتكەرى جولداعان. مۇنداعى باستى ماقسات “بەساتا” بالاباقشاسىنىڭ بەدەلىنە نۇقسان كەلتىرۋ دەيدى.
قازىرگى تاڭدا بالاباقشا وكىلدەرى زاڭگەر جالداپ، سۋرەتتى جىبەرگەن ادامدى سوتقا بەرمەكشى.
