نازارباەۆتىڭ «نۇر وتانداعى» ءبىرىنشى ورىنباسارى ءارى كلاستاسىنىڭ بالاسى بايبەك ءوزىن سۋدا تازا، سۇتتەن اق ەتىپ كورسەتكىسى كەلىپ وتىر. ونىڭ احمەتوۆتەر وتباسىمەن ورتاق بيزنەسى جوق پا؟ تۋعان-تۋىستارى مەملەكەتتىك تاپسىرىس الماي جاتىر ما؟ زەينەتكەر اكە-شەشەسى ءىرى بيزنەس ورتالىقتاردىڭ يەسى ەمەس پە؟ مەكتەپ، بالا-باقشا سالدىرامىن دەپ جەردى جەكەمەنشىككە ساتىپ جىبەرگەن جوق پا؟ الماتىنىڭ ترامۆاي دەپوسىنىڭ جەرىن تالان-تاراج ەتپەدى مە؟
الداعى سوت پروتسەستەرىندە بايبەكتىڭ بۇكىل بىلىعى مەن وتىرىگىن، «نۇر وتاننىڭ» ناعىز جەمقورلار پارتياسى ەكەنىن، بۇل ساياسي ۇيىم مەن ونى باسقارۋشىلاردىڭ حالىققا قارسى قانداي قىلمىستار جاساعانىن تۇگەل ايتامىز. ودان كەيىن ءوزىن «جەمقور ەمەسپىن» دەپ كورسىن.
وسىنى سەزسە كەرەك، بايبەك ءوزىنىڭ بوتتارى مەن جاعىمپازدارىن بىزگە قارسى اقپاراتتىق سوعىستا پايدالانىپ جاتىر. ىشىندە «جەردى شەتەلدىكتەرگە جالعا بەرۋدى قولداعان» دەپۋتاتى، سارايدىڭ ايتىسكەر اقىنى، بەلگىلى -بەلگىسىز ءبىرشاما پەرسوناجدارى ءجۇر. سولارعا ايتارىم: ەلدىڭ قازىناسىن توناپ، بۇكىل حالىقتى قاناپ، الداپ وتىرعان ۇلت ساتقىندارىنىڭ سويىلىن قالاي سوعىپ جۇرسىڭدەر؟ ەستەرىڭدە بولسىن، بيلىكتەگى ۇرى — قارىلاردى قولداۋ — تۋرا سولار سياقتى قىلمىسكەر بولۋ دەگەن ءسوز. «بىلمەي قالدىق، كورمەدىك» دەمەڭدەر. بايبەكتەر ەلگە قارسى قالاي جۇمىس جاساسا، سەندەر دە تۋرا سونداي قىلمىسكەرسىڭدەر.
«نۇر وتاننىڭ» سوتى (ونى تاعايىنداعان سول پارتيانىڭ باسشىسى ەمەس پە؟) بىزگە قارسى شەشىم شىعارسا دا، حالىقتىڭ سوتىندا بايبەك قازىردەن-اق جەڭىلىپ تۇر. ول انىق نارسە. سونى «نۇر وتاندىق» جانتىقتارعا جاقسىلاپ تۇرىپ جەتكىزە بەرۋ كەرەك.
"ادىرنا" ۇلتتىق پورتالى
