ءماجىلىس دەپۋتاتى ەدىل جاڭبىرشين سوعىستاردىڭ نەگىزگى سەبەبى دىندەر اراسىنداعى قايشىلىقتاردان باستاۋ الىپ جاتقانىن مالىمدەدى. بۇل تۋرالى ول الەمدىك جانە ءداستۇرلى دىندەر كوشباسشىلارىنىڭ سەزىنەن كەيىن ايتتى، دەپ حابارلايدى «ادىرنا» ءتىلشىسى.
«قۇدايدىڭ ءدىنى ءبىر بولۋى كەرەك. بىرنەشە ءدىن، بىرنەشە ەرەجە بولماۋى ءتيىس. ءماجىلىستىڭ وزىندە دە ءبىر رەگلامەنت قوي. ادامزاتتىڭ بارىندە ورتاق ءبىر ءدىن، ۇستانىم بولسا، قاقتىعىستار مەن سوعىستار، كيكىلجىڭدەر بولماس ەدى. اركىم ءوز ەرەجەسىن جاساپ العاننان كەيىن قاقتىعىستار، دىنارالىق ارازدىقتار ءجيى بولىپ جاتىر»،–دەدى جاڭبىرشين.
ايتۋىنشا، ادامزاتقا ورتاق ءدىندى ءدىنباسىلار تاڭداۋى ءتيىس.
ء«دىنباسىلار ىزدەنىپ، ەڭ مىقتى ءدىندى الۋى كەرەك. ولاردىڭ ءبارى عۇلاما عالىمدار عوي. ال قۇراندا «قۇدايدىڭ قابىل بولاتىن ءدىنى — يسلام» دەلىنگەن. مەنىڭ ويىمشا، يسلام بولۋى كەرەك سياقتى»،—دەپ تولىقتىردى ول.
