شىعىس قازاقستان وبلىسىنىڭ ەكى تۇرعىنى ۋكرايناداعى دونەتسك وبلىسىندا بولعان قارۋلى قاقتىعىس كەزىندە قازا تاپتى، دەپ حابارلايدى "ادىرنا" ۇلتتىق پورتالى «ۋستينكا Live»-قا سىلتەپ.
قاۋىپسىزدىك كوميتەتىنىڭ مالىمەتىنشە، اتالعان ازاماتتار 2024 جىلى رەسەيگە كەتكەن، كەيىن ۋكراينا اۋماعىنداعى قارۋلى قاقتىعىسقا قاتىسقان. سونىڭ ناتيجەسىندە جاراقات الىپ، دونەتسك وبلىسىندا كوز جۇمعان.
سوت-مەديتسينالىق ساراپتاما قورىتىندىسىنا سايكەس، ولىمگە جارىلىس پەن سناريادتىڭ جارىقشاقتارىنان بولعان اۋىر قان كەتۋ سەبەپ بولعان.
قر قىلمىستىق كودەكسىنىڭ 172-بابى («شەتەلدەگى قارۋلى قاقتىعىستارعا قاتىسۋ») بويىنشا قوزعالعان قىلمىستىق ءىس فيگۋرانتتاردىڭ قازا تابۋىنا بايلانىستى توقتاتىلدى.
قر ءسىم بۇل اقپاراتقا قاتىستى مالىمدەمە جاسامادى.
