Nazarbaevtyŋ «Nūr Otandaǧy» bırınşı orynbasary ärı klastasynyŋ balasy Baibek özın suda taza, sütten aq etıp körsetkısı kelıp otyr. Onyŋ Ahmetovter otbasymen ortaq biznesı joq pa? Tuǧan-tuystary memlekettık tapsyrys almai jatyr ma? Zeinetker äke-şeşesı ırı biznes ortalyqtardyŋ iesı emes pe? Mektep, bala-baqşa saldyramyn dep jerdı jekemenşıkke satyp jıbergen joq pa? Almatynyŋ tramvai deposynyŋ jerın talan-taraj etpedı me?
Aldaǧy sot prosesterınde Baibektıŋ bükıl bylyǧy men ötırıgın, «Nūr Otannyŋ» naǧyz jemqorlar partiiasy ekenın, būl saiasi ūiym men ony basqaruşylardyŋ halyqqa qarsy qandai qylmystar jasaǧanyn tügel aitamyz. Odan keiın özın «jemqor emespın» dep körsın.
Osyny sezse kerek, Baibek özınıŋ bottary men jaǧympazdaryn bızge qarsy aqparattyq soǧysta paidalanyp jatyr. Işınde «jerdı şeteldıkterge jalǧa berudı qoldaǧan» deputaty, saraidyŋ aitysker aqyny, belgılı -belgısız bırşama personajdary jür. Solarǧa aitarym: eldıŋ qazynasyn tonap, bükıl halyqty qanap, aldap otyrǧan ūlt satqyndarynyŋ soiylyn qalai soǧyp jürsıŋder? Esterıŋde bolsyn, bilıktegı ūry — qarylardy qoldau — tura solar siiaqty qylmysker bolu degen söz. «Bılmei qaldyq, körmedık» demeŋder. Baibekter elge qarsy qalai jūmys jasasa, sender de tura sondai qylmyskersıŋder.
«Nūr Otannyŋ» soty (ony taǧaiyndaǧan sol partiianyŋ basşysy emes pe?) bızge qarsy şeşım şyǧarsa da, halyqtyŋ sotynda Baibek qazırden-aq jeŋılıp tūr. Ol anyq närse. Sony «nūr otandyq» jantyqtarǧa jaqsylap tūryp jetkıze beru kerek.
"Adyrna" ūlttyq portaly
Ūqsas jaŋalyqtar
