الەم ەلدەرى وتكەن اپتادا پالەستينانى قولداپ، ءتۇرلى ميتينگىلەر ۇيىمداستىرىپ جاتىر. سونىڭ ىشىندە فرانتسيا، يتاليا، ۇلىبريتانيا، گەرمانيا، اقش، تۇركيا، يران، يوردانيا، ليۆان، ماروككو جانە باسقا ەلدەردە اكتسيالار ءوتتى، دەپ حابارلايدى "ادىرنا" ءتىلشىسى.
ىستامبۇلدا رەجەپ ەردوعاننىڭ قاتىسۋىمەن "ۇلى "اتاتۇرىك اۋەجايىنىڭ اۋماعىندا 1,5 ميلليوننان استام ادام، ونىڭ ىشىندە ەل پرەزيدەنتى رەجەپ ەردوعان قاتىسۋىمەن "ۇلكەن پالەستينا ميتينگى" اتتى ميتينگ ءوتتى. پرەزيدەنت يزرايلدىكتەر گازا تۇرعىندارىنا ەرەكشە قاتىگەزدىك تانىتىپ، ال باتىستىڭ ەكى ءجۇزدى ساياساتكەرلەر بۇل جاعدايعا كوز جۇمعانىن ايتادى.
«ۇلتىمىزدىڭ ءاربىر وكىلىن بۇكىل الەمگە پالەستينالىق باۋىرلارىمىزبەن ىنتىماقتاستىقتى كورسەتۋ ءۇشىن «ۇلكەن پالەستينا ميتينگىنە» شاقىرامىن»، – دەدى رەجەپ ەردوعان.
يوردانيا استاناسى اممان قالاسىندا دا جۇزدەگەن نارازىلىق بىلدىرۋشىلەر تارتىپسىزدىكتەر جاساعانى بەلگىلى بولدى. شەرۋگە شىققاندار اعاشتاردى ورتەپ، يزرايل ەلشىلىگىنە كىرۋگە تىرىسقان. پوليتسيا ارنايى قۇرالداردى قولدانىپ، شەرۋشىلەردى توقتاتقان.
پالەستينانى قولدايتىن اكتسيا ءتۋنيستىڭ ورتالىعىندا ءوتتى. فرانتسيا ەلشىلىگىنە جالاۋلارى بار جۇزدەگەن ادامدار جينالدى.
بەرليندە دە نارازىلىق بولدى. جەرىلىكتى پوليتسيا پالەستينا جاقتاستارىنا جۇما كۇنىنە جوسپارلانعان شەرۋدى وتكىزۋدەن باس تارتقان.
گەرمانيادا پالەستينا-يزرايل قاقتىعىسىنا بايلانىستى اكتسيالاردا 1100-دەن استام ءتۇرلى قۇقىق بۇزۋشىلىقتار تىركەلگەن. سوڭعى اپتادا بۇل ەلدە ءيزرايلدى قولداۋ ءۇشىن 200-دەن استام اكتسيا، 130-دان استام پالەستينانى قولدايتىن مانيفەستتەر ءوتتى.
BFMTV حابارلاعانداي، پاريجدە بيلىكتىڭ تىيىمىنا قاراماستان ميتينگ وتكەن. مانيفەستانتتار پالەستينا تۋلارىن جەلبىرەتىپ، گازا سەكتورىنان بەيبىت تۇرعىنداردى ەۆاكۋاتسيالاۋ ءۇشىن گۋمانيتارلىق ءدالىز اشۋدى تالاپ ەتتى.
گازا سەكتورىنداعى جاعداي ناشارلاعان سايىن لوندونداعى ميتينگتەرگە قاتىسۋشىلار سانى ارتۋدا. شەرۋگە شىققانداردىڭ سانى 100 مىڭنان استام ەكەنى ايتىلدى.
ءريمنىڭ ورتالىعىندا مىڭداعان ادامدار تاياۋ شىعىستا بەيبىتشىلىككە شاقىردى. شەرۋگە قاتىسۋ ءۇشىن يتاليانىڭ باسقا قالالارىنىڭ تۇرعىندارى كەلدى. ولاردىڭ ءۇنسىز باستاماسىن ونداعان ءتۇرلى ۇيىمدار مەن ساياسي پارتيالار قولدادى.
امەريكاندىق پراۆوسلاۆيەلىك ياھۋديلەر دە پالەستينانى قولدايتىنىن جەتكىزدى.
