شىمكەنتتەگى «iKOMEK 109» ورتالىعىنا 10 ايدا 120 مىڭنان اسا ارىز-شاعىم تۇسكەن

3055
Adyrna.kz Telegram

وتكەن جىلدىڭ ماۋسىم ايىندا اشىلعان قالالىق سيتۋاتسيالىق 109 ورتالىعى قالا تۇرعىندارىنىڭ ماسەلەسىن اتقارۋشى ورگانعا جەتكىزىپ، شەشىمىن تابۋدا ءوزىنىڭ تيىمدىلىگىن كورسەتىپ وتىر.

بۇگىنگە دەيىن ورتالىققا بارلىعى 120 مىڭنان استام ارىز-شاعىم تۇسكەن. ونىڭ ىشىندەگى ءجۇز ون توعىز مىڭعا جۋىق ارىز-شاعىم ورىندالىپ، قالا تۇرعىندارىنىڭ سۇراقتارى مەن ماسەلەلەرىن قاناعاتتاندىردى. قالعان 1875 ارىز-شاعىم قارالۋدا، ياعني جاۋاپتى مەكەمەلەر مەن اۋداندىق اكىمدىكتەردىڭ ءجىتى باقىلاۋىندا.

ورىندالعان ارىز-شاعىمداردىڭ باسىم بولىگى جولاۋشىلار كولىگى جانە اۆتوموبيل جولدارى باسقارماسىنىڭ (4916 شاعىم) ۇلەسىندە بولىپ وتىر. ەنەرگەتيكا جانە كوممۋنالدىق شارۋاشىلىق باسقارماسى – 1928, اباي اۋدانى اكىمدىگى – 881, قاراتاۋ اۋدانى اكىمدىگى – 693, دەنساۋلىق ساقتاۋ باسقارماسى – 595, «QazSmartTrans» جشس – 580, «قۋاتجىلۋورتالىق-3» مكقك – 567, جۇمىسپەن قامتۋ جانە الەۋمەتتىك قورعاۋ باسقارماسى – 544, تۇرعىن ءۇي باسقارماسى – 542, ءال-فارابي اۋدانى اكىمدىگى – 483, ەڭبەكشى اۋدانى اكىمدىگى – 449, اۋىل شارۋاشىلىعى جانە ۆەتەريناريا باسقارماسى – 383 جانە تاعى باسقا مەملەكەتتىك مەكەمەلەر مەن سەرۆيستىك قىزمەت كورسەتەتىن مەكەمەلەر ورىنداعان.

ەستەرىڭىزگە سالا كەتەيىك، ءاربىر قالا تۇرعىنى تومەندە كورسەتىلگەن ادىستەر ارقىلى ءوز ءوتىنىشىن قالدىرا الادى:
1. بىرىڭعاي تەگىن 109 نومىرىنە قوڭىراۋ شالۋ;
2. WhatsApp +7 (777) 710-91-09 نومىرىنە جازۋ;
3. Instagram پاراقشاسىندا جەكەگە جازۋ;
4. Facebook: IKomek Shymkent
5. @shymkentonlinekz_bot TELEGRAM-bot ارقىلى ءوتىنىش قالدىرۋ.

شىمكەنت قالاسى اكىمدىگىنىڭ ءباسپاسوز قىزمەتى

پىكىرلەر