شىمكەنتتە بيىلعى جىلى 8 تۇرعىن الابىنا گاز قۇبىرىن تارتۋ جۇمىستارى باستالىپ، 5-ءنىڭ قۇرىلىسى اياقتالادى. وسىنىڭ ەسەبىنەن 11 مىڭعا جۋىق تۇرعىن گازبەن قامتىلىپ، كورسەتكىش 93 پايىزعا جەتەدى.
بيىلعى جىلى التىنتوبە، بادام 195, دوستىق، اسار-2 جانە ازات تۇرعىن الابتارىنىڭ قۇرىلىسى اياقتالادى. بۇگىندە التىنتوبەدە گاز قۇبىرىن تارتۋ جۇمىستارى 90 پايىزعا ورىندالسا، اسار-2 شاعىن اۋدانىندا جۇمىستىڭ 40 پايىزى اياقتالىپ وتىر.
جالپى قالاداعى 81 ەلدى مەكەننىڭ 40-ى تابيعي گازبەن قامتىلسا، 33-ءى جارتىلاي، ال قالعان 8 ەلدى مەكەن تۇرعىندارىنىڭ كوگىلدىر وتىنعا قولى جەتپەي وتىر. قالا تۇرعىندارىن تابيعي گازبەن قامتۋ ماقساتىندا 2021 - 2025 جىلدارعا ارناللعان دامۋ جوسپارىنا سايكەس، ەلدى مەكەندەردىڭ ىشكى جۇيەلەر قۇرىلىسىن جۇرگىزۋ جوسپارلانۋدا. 2023 جىلى قالادا گازبەن قامتۋ كورسەتكىشى 100 پايىزعا جەتەدى.
سونىمەن قاتار، قالادا №3 اۆتوماتتى گاز-رەتتەگىش ستانتسياسىنىڭ جانە 58 شاقىرىمدى قۇرايتىن گاز قۇبىرىنىڭ قۇرىلىسى سالىنۋدا.
شىمكەنت قالاسى اكىمدىگىنىڭ ءباسپاسوز قىزمەتى
