Şymkentte biylǧy jyly 8 tūrǧyn alabyna gaz qūbyryn tartu jūmystary bastalyp, 5-nıŋ qūrylysy aiaqtalady. Osynyŋ esebınen 11 myŋǧa juyq tūrǧyn gazben qamtylyp, körsetkış 93 paiyzǧa jetedı.
Biylǧy jyly Altyntöbe, Badam 195, Dostyq, Asar-2 jäne Azat tūrǧyn alabtarynyŋ qūrylysy aiaqtalady. Bügınde Altyntöbede gaz qūbyryn tartu jūmystary 90 paiyzǧa oryndalsa, Asar-2 şaǧyn audanynda jūmystyŋ 40 paiyzy aiaqtalyp otyr.
Jalpy qaladaǧy 81 eldı mekennıŋ 40-y tabiǧi gazben qamtylsa, 33-ı jartylai, al qalǧan 8 eldı meken tūrǧyndarynyŋ kögıldır otynǧa qoly jetpei otyr. Qala tūrǧyndaryn tabiǧi gazben qamtu maqsatynda 2021 - 2025 jyldarǧa arnallǧan damu josparyna säikes, eldı mekenderdıŋ ışkı jüieler qūrylysyn jürgızu josparlanuda. 2023 jyly qalada gazben qamtu körsetkışı 100 paiyzǧa jetedı.
Sonymen qatar, qalada №3 avtomatty gaz-rettegış stansiiasynyŋ jäne 58 şaqyrymdy qūraityn gaz qūbyrynyŋ qūrylysy salynuda.
Şymkent qalasy äkımdıgınıŋ baspasöz qyzmetı
