بۇگىن شىمكەنت قالاسى اكىمدىگى جانىنداعى ەكسپورت جونىندەگى كەڭەس وتىرىسى قالا اكىمىنىڭ ورىنباسارى ا.ساتتىباەۆتىڭ توراعالىعىمەن ءوتتى. ونلاين فورماتتا وتكەن جيىنعا «QazTrade» ساۋدا ساياساتىن دامىتۋ ورتالىعى جانە «Kazakh Export» ەكسپورتتىق ساقتاندىرۋ كومپانياسى، «اتامەكەن» ۇكپ مەن اۋدان اكىمدەرى، شىمكەنت قالاسىنىڭ 35 ءىرى ەكسپورتتاۋشى كاسىپورىندارى قاتىستى.
وتىرىس بارىسىندا وتاندىق ونىمدەر ەكسپورتىن دامىتۋدىڭ كەشەندى ۇلتتىق جۇيەسىن ىسكە اسىرۋ ماسەلەلەرى مەن كولىك شىعىندارىن وتەۋ، ەكسپورتتاۋشىلاردى قولداۋدىڭ وزگە دە جايى تالقىلاندى. سونداي-اق، جيىندا كاسىپكەرلەردىڭ پروبلەمالىق ماسەلەلەرى قارالدى.
جالپى قالادا ماشينا جاساۋ، مەتاللۋرگيا، تاماق ونىمدەرىن وندىرەتىن، جەڭىل ونەركاسىبىندە، فارماتسەۆتيكا جانە قۇرىلىس ونىمدەرىن ءوندىرۋ سالالارىندا جۇمىس ىستەيتىن 35 بەلسەندى ەكسپورتتاۋشى كومپانيالار جۇمىس ىستەيدى. وتكەن جىلى تاۋارلاردىڭ شيكىزاتتىق ەمەس ەكسپورت كولەمى 352,5 ملن. اقش دوللارىن قۇرادى.
اكىم ورىنباسارى ەكسپورتتاۋشىلاردى قولداۋدىڭ مەملەكەتتىك شارالارىن كەڭەيتۋ جانە ولاردى ءبىر تەرەزەگە شوعىرلاندىرۋ قالا وندىرۋشىلەرىنە ەلەۋلى قولداۋ كورسەتەتىنىنە سەنىم ءبىلدىردى. بۇل ەكسپورتتىق جەلىنى كەڭەيتىپ، سىرتقى نارىقتارداعى وتاندىق ءونىم كولەمىن ارتتىراتىنىن باسا ايتتى.
وسى جىلدىڭ باسىنان «QazTrade» ساۋدا ساياساتىن دامىتۋ ورتالىعىمەن وتاندىق وڭدەلگەن تاۋارلاردى ىلگەرىلەتۋ بويىنشا ەكسپورتتاۋشىلار شىعىندارىنىڭ ءبىر بولىگىن وتەۋ بويىنشا وتىنىمدەردى ۆەب-پورتال ارقىلى قابىلداۋدى جۇزەگە اسىرۋدا. بۇگىنگى تاڭدا شىعىندارىنىڭ ءبىر بولىگىن وتەۋ بويىنشا 29 ءوتىنىم كەلىپ تۇسكەن.
شىمكەنت قالاسى اكىمدىگىنىڭ ءباسپاسوز قىزمەتى
