Bügın Şymkent qalasy äkımdıgı janyndaǧy Eksport jönındegı keŋes otyrysy qala äkımınıŋ orynbasary A.Sättıbaevtyŋ töraǧalyǧymen öttı. Onlain formatta ötken jiynǧa «QazTrade» sauda saiasatyn damytu ortalyǧy jäne «Kazakh Export» eksporttyq saqtandyru kompaniiasy, «Atameken» ŪKP men audan äkımderı, Şymkent qalasynyŋ 35 ırı eksporttauşy käsıporyndary qatysty.
Otyrys barysynda otandyq önımder eksportyn damytudyŋ keşendı ūlttyq jüiesın ıske asyru mäselelerı men kölık şyǧyndaryn öteu, eksporttauşylardy qoldaudyŋ özge de jaiy talqylandy. Sondai-aq, jiynda käsıpkerlerdıŋ problemalyq mäselelerı qaraldy.
Jalpy qalada maşina jasau, metallurgiia, tamaq önımderın öndıretın, jeŋıl önerkäsıbınde, farmasevtika jäne qūrylys önımderın öndıru salalarynda jūmys ısteitın 35 belsendı eksporttauşy kompaniialar jūmys ısteidı. Ötken jyly tauarlardyŋ şikızattyq emes eksport kölemı 352,5 mln. AQŞ dollaryn qūrady.
Äkım orynbasary eksporttauşylardy qoldaudyŋ memlekettık şaralaryn keŋeitu jäne olardy bır terezege şoǧyrlandyru qala öndıruşılerıne eleulı qoldau körsetetınıne senım bıldırdı. Būl eksporttyq jelını keŋeitıp, syrtqy naryqtardaǧy otandyq önım kölemın arttyratynyn basa aitty.
Osy jyldyŋ basynan «QazTrade» Sauda saiasatyn damytu ortalyǧymen otandyq öŋdelgen tauarlardy ılgerıletu boiynşa eksporttauşylar şyǧyndarynyŋ bır bölıgın öteu boiynşa ötınımderdı veb-portal arqyly qabyldaudy jüzege asyruda. Bügıngı taŋda şyǧyndarynyŋ bır bölıgın öteu boiynşa 29 ötınım kelıp tüsken.
Şymkent qalasy äkımdıgınıŋ baspasöz qyzmetı
