"ادىرنا" بايقاۋ جاريالايدى

5310
Adyrna.kz Telegram
سۋرەت @lifelove.ot7.ru سايتىنان الىندى
سۋرەت @lifelove.ot7.ru سايتىنان الىندى

2021 جىلدىڭ 1 مامىرى - قازاقستان حالىقتارىنىڭ بىرلىگى كۇنى. مەرەكە اياسىندا الەۋمەتتىك جەلىلەردە الماتى قالاسىنداعى ءتۇرلى ەتنوس وكىلدەرى اراسىندا اباي شىعارمالارىن مەملەكەتتىك تىلدە مانەرلەپ وقۋ بويىنشا بەينە-چەللەندج ىسكە قوسىلادى.

بايقاۋدىڭ ۇيىمداستىرۋشىسى - الماتى قالاسى قوعامدىق دامۋ باسقارماسىنىڭ قولداۋىمەن "ادىرنا" ۇلتتىق ەتنوگرافيالىق بىرلەستىگى" قوعامدىق قورى.

چەللەندج قورىتىندىسى بويىنشا، ۇزدىك بەينەروليكتەر گراموتالارمەن جانە باعالى سىيلىقتارمەن ماراپاتتالادى.

بايقاۋعا قاتىسۋ ءۇشىن  اباي شىعارمالارىنان مەملەكەتتىك تىلدە ءۇزىندى وقىپ، ونى بەينەروليككە ءتۇسىرىپ، مىندەتتى تۇردە #بىرلىگىجاراسقانەل، #ابايدانالىعىوشپەس حەشتەگتەرىن كورسەتە وتىرىپ، الەۋمەتتىك جەلىدەگى پاراقشادا ورنالاستىرۋ قاجەت.

سونداي-اق، كونكۋرسقا قاتىسۋعا دوستارىن، تانىستارىن جانە باسقا دا ۇلت وكىلدەرىن شاقىرۋ مىندەتتەلەدى (بۇل كونكۋرس جەڭىمپازدارىن انىقتاۋ كەزىندە ەسكەرىلەتىن بولادى).
بارشا قازاقستاندىقتاردى قۋانىشقا تولى جارقىن مەرەكە – قازاقستان حالقىنىڭ بىرلىگى كۇنىمەن قۇتتىقتايمىز!

پىكىرلەر