قازاقستاندا 1 مامىر – قازاقستان حالقىنىڭ بىرلىگى كۇنى رەتىندە رەسمي مەرەكە سانالادى.
بۇل كۇن – ەل اۋماعىندا ءومىر ءسۇرىپ جاتقان ءتۇرلى ۇلت وكىلدەرىنىڭ دوستىعى مەن تاتۋلىعىن ايشىقتايتىن ەرەكشە مەيرام. مەرەكە العاش رەت 1996 جىلى كەڭ كولەمدە تويلانا باستادى. ال وعان دەيىن، 1995 جىلدىڭ 18 قازانىندا قازاقستان رەسپۋبليكاسى پرەزيدەنتىنىڭ جارلىعىمەن بەكىتىلگەن بولاتىن.
«مەرەكەلەر تۋرالى» قر زاڭىنا سايكەس، 1 مامىر – رەسمي تۇردە دەمالىس كۇنى.
قازاقستان – ونداعان جىلدار بويى كوپتەگەن ەتنوس پەن ۇلىستىڭ بەيبىت مەكەنى بولىپ كەلگەن ەل. ەل حالقىنىڭ ۇلتتىق قۇرامىنىڭ كوپتۇرلىلىگى قازاقستاندا بەيبىتشىلىك پەن كەلىسىم ساياساتىنىڭ ورنىعۋىنا نەگىز بولدى. بۇگىندە قازاق جەرىندە 130-دان استام ەتنوس وكىلدەرى ءومىر سۇرۋدە. ولار ءوزارا قۇرمەت پەن بىرلىك نەگىزىندە ءبىر مەملەكەتتىڭ بولاشاعىنا بىرگە ۇلەس قوسىپ كەلەدى.
بۇل كۇن ەلىمىزدىڭ بارلىق وڭىرلەرىندە ءتۇرلى مادەني ءىس-شارالارمەن اتاپ وتىلەدى.
ۇقساس جاڭالىقتار
