شىمكەنتتە 2021 جىلدىڭ 3 ايلىق قورىتىندىسى بويىنشا 2 386 ازاماتقا ارناۋلى الەۋمەتتىك قىزمەت كورسەتىلگەن. بۇل تۋرالى قالالىق جۇمىسپەن قامتۋ جانە الەۋمەتتىك قورعاۋ باسقارماسىنا باعىنىستى 9 مەكەمە باسشىلارىنىڭ 1-ءشى توقساندا اتقارعان جۇمىستارى مەن جوسپارلارى تۋرالى ەسەپ بەرۋى بارىسىندا ءمالىم بولدى.
اتاپ ايتقاندا، ستاتسيونار جاعدايىنداعى ەرەسەكتەرگە ارنالعان پسيحونەۆرولوگيالىق ورتالىقتا – 460 ادام، بالالارعا ارنالعان پسيحونەۆرولوگيالىق ورتالىقتا – 146 بالا ەم قابىلداعان. ال جارتىلاي ستاتسيونار جاعدايىنداعى كوممۋنالدىق مەملەكەتتىك مەكەمەلەردە 349 ادامعا قىزمەت كورسەتىلدى. ونىڭ ىشىندە كۇندىزگى قاتىناۋ بولىمشەلەرىندە 170 بالا ارناۋلى الەۋمەتتىك قىزمەت تۇرلەرىمەن قامتىلدى. سونداي-اق، 74 زەينەتكەرگە قىزمەت كورسەتىلگەن.
ارناۋلى الەۋمەتتىك قىزمەت كورسەتەتىن ورتالىقتاردا پسيحونەۆرولوگيالىق اۋىتقۋى بار، تىرەك-قيمىل اپپاراتى فۋنكتسيالارى بۇزىلعان مۇگەدەك بالالارعا، 18 جاستان اسقان پسيحونەۆرولوگيالىق اۋرۋى بار ازاماتتارعا جانە وزىنە-ءوزى قىزمەت كورسەتە المايتىن جالعىزىلىكتى 1-2 توپتاعى مۇگەدەكتەر مەن قارتتارعا ستاتسيونار، جارتىلاي ستاتسيونار، ۇيدە قىزمەت كورسەتۋ جاعدايىندا ارناۋلى الەۋمەتتىك قىزمەتتەر كورسەتىلەدى.
سونىمەن قاتار، الەۋمەتتىك سالا ماماندارى جىل باسىنان بەرى 700-دەن استام ازاماتقا ۇيلەرىنە بارىپ قىزمەت كورسەتكەن. 169 مۇگەدەك بالا مەن جاسى 18-دەن اسقان پسيحونەۆرولوگيالىق اۋرۋلارى بار 85 مۇگەدەك ازامات تۇراقتى كۇتىمگە الىندى. 402 جالعىزىلىكتى قارت پەن ءى، ءىى توپتاعى 78 مۇمكىندىگى شەكتەۋلى ازامات ارناۋلى الەۋمەتتىك قىزمەتتەرمەن قامتىلدى.
قازىرگى تاڭدا ۋاقىتشا الەۋمەتتىك قىزمەتتەر كورسەتۋ جاعدايىنداعى 2 كوممۋنالدىق مەملەكەتتىك مەكەمەدە 273 ادام قىزمەت الۋدا. ونىڭ ىشىندە تۇرمىستىق زورلىق-زومبىلىق قۇرباندارى مەن بەلگىلى تۇراعى جوق جاندار دا ارناۋلى الەۋمەتتىك قىزمەتتەرمەن قامتىلعان.
شىمكەنت قالاسى اكىمدىگىنىڭ ءباسپاسوز قىزمەتى
