Shymkentte 2021 jyldyń 3 aılyq qorytyndysy boıynsha 2 386 azamatqa arnaýly áleýmettik qyzmet kórsetilgen. Bul týraly qalalyq jumyspen qamtý jáne áleýmettik qorǵaý basqarmasyna baǵynysty 9 mekeme basshylarynyń 1-shi toqsanda atqarǵan jumystary men josparlary týraly esep berýi barysynda málim boldy.
Atap aıtqanda, staıonar jaǵdaıyndaǵy eresekterge arnalǵan psıhonevrologııalyq ortalyqta – 460 adam, balalarǵa arnalǵan psıhonevrologııalyq ortalyqta – 146 bala em qabyldaǵan. Al jartylaı staıonar jaǵdaıyndaǵy kommýnaldyq memlekettik mekemelerde 349 adamǵa qyzmet kórsetildi. Onyń ishinde kúndizgi qatynaý bólimshelerinde 170 bala arnaýly áleýmettik qyzmet túrlerimen qamtyldy. Sondaı-aq, 74 zeınetkerge qyzmet kórsetilgen.
Arnaýly áleýmettik qyzmet kórsetetin ortalyqtarda psıhonevrologııalyq aýytqýy bar, tirek-qımyl apparaty fýnkııalary buzylǵan múgedek balalarǵa, 18 jastan asqan psıhonevrologııalyq aýrýy bar azamattarǵa jáne ózine-ózi qyzmet kórsete almaıtyn jalǵyzilikti 1-2 toptaǵy múgedekter men qarttarǵa staıonar, jartylaı staıonar, úıde qyzmet kórsetý jaǵdaıynda arnaýly áleýmettik qyzmetter kórsetiledi.
Sonymen qatar, áleýmettik sala mamandary jyl basynan beri 700-den astam azamatqa úılerine baryp qyzmet kórsetken. 169 múgedek bala men jasy 18-den asqan psıhonevrologııalyq aýrýlary bar 85 múgedek azamat turaqty kútimge alyndy. 402 jalǵyzilikti qart pen I, II toptaǵy 78 múmkindigi shekteýli azamat arnaýly áleýmettik qyzmettermen qamtyldy.
Qazirgi tańda ýaqytsha áleýmettik qyzmetter kórsetý jaǵdaıyndaǵy 2 kommýnaldyq memlekettik mekemede 273 adam qyzmet alýda. Onyń ishinde turmystyq zorlyq-zombylyq qurbandary men belgili turaǵy joq jandar da arnaýly áleýmettik qyzmettermen qamtylǵan.
Shymkent qalasy ákimdiginiń baspasóz qyzmeti
