شىمكەنت قالاسىندا ىسكە اسىرىلىپ جاتقان «ەڭبەك» مەملەكەتتىك باعدارلاماسىنىڭ ءىىى باعىتى، ياعني جۇمىسپەن قامتۋ شارالارىنا قاتىسۋشىلارىنىڭ ءبىرى – نۇراي زيابەك. قالا تۇرعىنى بىلتىر حالىقتار دوستىعى ۋنيۆەرسيتەتىن «راديوتەحنيكا ەلەكترونيكا جانە تەلەكوممۋنيكاتسيا» ماماندىعى بويىنشا تامامداعان.
بيىل اقپان ايىنان باستاپ «قازاقتەلەكوم» اق وڭتۇستىك ايماقتىق تەلەكوممۋنيكاتسيا ديرەكتسياسىنىڭ فيليالىنا قوعامدىق جۇمىسقا جولداندى.
– جوعارى وقۋ ورنىن بىتىرگەن سوڭ، بىردەن جۇمىس تابىلا قويمادى. بىراق جاس مامان رەتىندە «جاستار پراكتيكاسى» باعدارلاماسى بار ەكەنىن ءبىلىپ، الدىمەن جۇمىسپەن قامتۋ ورتالىعىندا جۇمىسسىز رەتىندە تىركەلىپ، سول باعدارلاما ارقىلى «قازاقتەلەكوم» اق فيليالىنا جولداما الدىم. بۇل مەنىڭ العاشقى جۇمىس تاجىريبەم ەدى. باعدارلامعا قاتىسقان سوڭ، وسى جىلى قوعامدىق جۇمىسپەن ءدال سول مەكەمەدە جۇمىسىمدى جالعاستىرىپ، تاجىريبە جيناقتاپ كەلەمىن»، – دەيدى 22 جاسار باعدارلاما قاتىسۋشىسى.
اقىلى قوعامدىق جۇمىستار ازاماتتاردى ۋاقىتشا جۇمىسپەن قامتاماسىز ەتۋ ءۇشىن ۇيىمداستىرىلادى. اتالعان جۇمىس الدىن الا كاسىپتىك دايارلاۋدى تالاپ ەتپەيدى جانە قاتىسۋ مەرزىمى 12 ايدان اسپايدى (جىل سوڭىنا دەيىن). جالاقىسى – 25 ايلىق ەسەپتىك كورسەتكىش (72 مىڭ تەڭگە كولەمىندە).
ايتا كەتەيىك، جىل باسىنان بەرى قوعامدىق جۇمىسقا 2 474 ادامنىڭ 2778-ءى جولدانىپ، جوسپار ارتىعىمەن ورىندالعان.
شىمكەنت قالاسى اكىمدىگىنىڭ ءباسپاسوز قىزمەتى
➖➖➖➖➖➖➖➖➖➖➖➖➖➖➖➖
