Jūmyssyz azamattardy aqyly qoǧamdyq jūmysqa tartu belsendı jürgızılude

Şymkent qalasynda ıske asyrylyp jatqan «Eŋbek» memlekettık baǧdarlamasynyŋ III baǧyty, iaǧni jūmyspen qamtu şaralaryna qatysuşylarynyŋ bırı – Nūrai Ziiabek. Qala tūrǧyny byltyr Halyqtar dostyǧy universitetın «Radiotehnika elektronika jäne telekommunikasiia» mamandyǧy boiynşa tämamdaǧan. Biyl aqpan aiynan bastap «Qazaqtelekom» AQ Oŋtüstık aimaqtyq telekommunikasiia direksiiasynyŋ filialyna qoǧamdyq jūmysqa joldandy. – Joǧary oqu ornyn bıtırgen soŋ, bırden jūmys tabyla qoimady. Bıraq jas maman retınde «Jastar praktikasy» baǧdarlamasy bar ekenın bılıp, aldymen jūmyspen qamtu ortalyǧynda jūmyssyz retınde tırkelıp, sol baǧdarlama arqyly «Qazaqtelekom» AQ filialyna joldama aldym. Būl menıŋ alǧaşqy jūmys täjıribem edı. Baǧdarlamǧa qatysqan soŋ, osy jyly qoǧamdyq jūmyspen däl sol mekemede jūmysymdy jalǧastyryp, täjıribe jinaqtap kelemın», – deidı 22 jasar baǧdarlama qatysuşysy. Aqyly qoǧamdyq jūmystar azamattardy uaqytşa jūmyspen qamtamasyz etu üşın ūiymdastyrylady. Atalǧan jūmys aldyn ala käsıptık daiarlaudy talap etpeidı jäne qatysu merzımı 12 aidan aspaidy (jyl soŋyna deiın). Jalaqysy – 25 ailyq eseptık körsetkış (72 myŋ teŋge kölemınde). Aita keteiık, jyl basynan berı qoǧamdyq jūmysqa 2 474 adamnyŋ 2778-ı joldanyp, jospar artyǧymen oryndalǧan. Şymkent qalasy äkımdıgınıŋ baspasöz qyzmetı ➖➖➖➖➖➖➖➖➖➖➖➖➖➖➖➖