قازاقستان رەسپۋبليكاسى ۇكىمەتىنىڭ 2021 جىلعى 21 ساۋىردەگى قاۋلىسى قابىلداندى. وندا جوعارى ءبىلىم تۋرالى 2 قاۋلىعا وزگەرتۋلەر ەنگىزىلدى، دەپ حابارلايدى "ادىرنا" ۇلتتىق پورتالى.
جوعارى نەمەسە جوعارى وقۋ ورنىنان كەيىنگى ءبىلىم بەرۋ اقىسىن تولەۋ ءۇشىن ءبىلىم بەرۋ گرانتىن تاعايىنداۋ ەرەجەلەرىنە وزگەرىستەر ەنگىزىلدى.
ءبىلىم بەرۋ گرانتىنا كونكۋرسقا ەندى ازاماتتاردىڭ جاڭا ساناتتارى قاتىسا الادى:
- ءتورت نەمەسە ودان دا كوپ كامەلەتكە تولماعان بالالارى بار وتباسىلاردىڭ بالالارى،
- كەمىندە ءۇش جىل وسىنداي مارتەبەگە يە تولىق ەمەس وتباسىلاردىڭ بالالارى،
- بالا كەزىنەن مۇگەدەك بالالاردى تاربيەلەپ وتىرعان وتباسىلاردىڭ بالالارى،
- ءبىرىنشى جانە ەكىنشى توپتاعى مۇگەدەكتەر.
وسى ساناتتاعى ازاماتتار ءۇشىن تەحنيكالىق جانە كاسىپتىك ورتا بىلىمنەن كەيىنگى جانە جوعارى ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمدارىنا وقۋعا قابىلداۋ ءۇشىن كەلەسى قابىلداۋ كۆوتاسى بەلگىلەنەدى:
- ءتورت جانە ودان دا كوپ كامەلەتكە تولماعان بالالارى بار وتباسىلاردىڭ بالالارى - 5 پايىز;
- كەمىندە ءۇش جىل وسى مارتەبەگە يە تولىق ەمەس وتباسىلاردىڭ بالالارى - 1 پايىز;
- بالا كەزىنەن مۇگەدەك بالالاردى تاربيەلەپ وتىرعان وتباسىلاردىڭ بالالارى،
- ءبىرىنشى جانە ەكىنشى توپتاعى مۇگەدەكتەر - 1 پايىز.
قاۋلى 2021 جىلعى 7 مامىردا كۇشىنە ەنەدى.
"ادىرنا" ۇلتتىق پورتالى
