Қазақстан Республикасы үкіметінің 2021 жылғы 21 сәуірдегі қаулысы қабылданды. Онда жоғары білім туралы 2 қаулыға өзгертулер енгізілді, деп хабарлайды "Адырна" ұлттық порталы.
Жоғары немесе жоғары оқу орнынан кейінгі білім беру ақысын төлеу үшін білім беру грантын тағайындау ережелеріне өзгерістер енгізілді.
Білім беру грантына конкурсқа енді азаматтардың жаңа санаттары қатыса алады:
- төрт немесе одан да көп кәмелетке толмаған балалары бар отбасылардың балалары,
- кемінде үш жыл осындай мәртебеге ие толық емес отбасылардың балалары,
- бала кезінен мүгедек балаларды тәрбиелеп отырған отбасылардың балалары,
- бірінші және екінші топтағы мүгедектер.
Осы санаттағы азаматтар үшін техникалық және кәсіптік орта білімнен кейінгі және жоғары білім беру бағдарламаларын іске асыратын білім беру ұйымдарына оқуға қабылдау үшін келесі қабылдау квотасы белгіленеді:
- төрт және одан да көп кәмелетке толмаған балалары бар отбасылардың балалары - 5 пайыз;
- кемінде үш жыл осы мәртебеге ие толық емес отбасылардың балалары - 1 пайыз;
- бала кезінен мүгедек балаларды тәрбиелеп отырған отбасылардың балалары,
- бірінші және екінші топтағы мүгедектер - 1 пайыз.
Қаулы 2021 жылғы 7 мамырда күшіне енеді.
"Адырна" ұлттық порталы
