ۇلتتىق بىرىڭعاي تەستىلەۋ بالى جوعارى بولسا دا، گرانت الا الماي قالعان مەكتەپ تۇلەكتەرى عىلىم جانە جوعارى ءبىلىم مينيسترلىگىن سوتقا بەرمەك. بۇل تۋرالى الەۋمەتتىك جەلىدە ادۆوكات حاليدا اجىعۇلوۆا جازدى، دەپ حابارلايدى “ادىرنا” ۇلتتىق پورتالى.
«سوت جۇيەسى ءىستى قاراۋدان باس تارتسا، بىرىككەن ۇلتتار ۇيىمىنىڭ بالا قۇقىقتارى جونىندەگى كوميتەتىنە جۇگىنەمىز»، — دەپ جازدى ول.
سونداي-اق، بالالار قۇقىعىن قورعاۋشى مەدينا مايسار الەۋمەتتىك جەلىدە گرانتتاردىڭ ادىلەتسىز بولىنگەندىگى تۋرالى جازدى. مينيسترلىك سۋ تاسقىنىنان زارداپ شەككەن ايماقتاردان كەلگەن تالاپكەرلەرگە 5000 گرانتتى جەكە ەمەس، جالپى گرانتتان ءبولىپ بەرگەن.
مايساردىڭ جازۋىنشا, مينيسترلىك توتەنشە جاعدايدان زارداپ شەككەندەرگە جالپى گرانتتان ەمەس، بولەك گرانت ءبولۋى كەرەك ەدى. جالپى گرانتتان ءبولۋدىڭ اسەرىنەن جوعارى بالل جيناعان تۇلەكتەر گرانت الا الماي قالعان.
«2024 جىلعى گرانتتاردى ءبولۋ كەزىندە ادىلدىك بولدى دەگەنگە كۇمانىم بار. سوندىقتان تج كۆوتاسىنا بولىنگەن 5112 گرانتتىڭ ورنىن تولتىرۋ جانە گرانت الا الماعان تالاپكەرلەر اراسىندا قايتا ءبولۋدى ۇسىنامىن»، – دەپ جازدى ول.
ەستەرىڭىزگە سالا كەتەيىك، ءبىلىم جانە جوعارى عىلىم مينيسترلىگى سۋ تاسقىنىنان زارداپ شەككەن ايماقتاردان كەلگەن تالاپكەرلەرگە 5000 گرانتتى جەكە ەمەس، جالپى گرانتتان ءبولىپ بەرگەن.
