Qazaqstan Respýblıkasy úkimetiniń 2021 jylǵy 21 sáýirdegi qaýlysy qabyldandy. Onda joǵary bilim týraly 2 qaýlyǵa ózgertýler engizildi, dep habarlaıdy "Adyrna" ulttyq portaly.
Joǵary nemese joǵary oqý ornynan keıingi bilim berý aqysyn tóleý úshin bilim berý grantyn taǵaıyndaý erejelerine ózgerister engizildi.
Bilim berý grantyna konkýrsqa endi azamattardyń jańa sanattary qatysa alady:
- tórt nemese odan da kóp kámeletke tolmaǵan balalary bar otbasylardyń balalary,
- keminde úsh jyl osyndaı mártebege ıe tolyq emes otbasylardyń balalary,
- bala kezinen múgedek balalardy tárbıelep otyrǵan otbasylardyń balalary,
- birinshi jáne ekinshi toptaǵy múgedekter.
Osy sanattaǵy azamattar úshin tehnıkalyq jáne kásiptik orta bilimnen keıingi jáne joǵary bilim berý baǵdarlamalaryn iske asyratyn bilim berý uıymdaryna oqýǵa qabyldaý úshin kelesi qabyldaý kvotasy belgilenedi:
- tórt jáne odan da kóp kámeletke tolmaǵan balalary bar otbasylardyń balalary - 5 paıyz;
- keminde úsh jyl osy mártebege ıe tolyq emes otbasylardyń balalary - 1 paıyz;
- bala kezinen múgedek balalardy tárbıelep otyrǵan otbasylardyń balalary,
- birinshi jáne ekinshi toptaǵy múgedekter - 1 paıyz.
Qaýly 2021 jylǵy 7 mamyrda kúshine enedi.
"Adyrna" ulttyq portaly
