قازاقستاننىڭ ءبىلىم سالاسىنداعى ۇرلىق سوماسى 15,5 ملرد تەڭگەنى قۇرادى، دەپ حابارلايدى “ادىرنا” ۇلتتىق پورتالى سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتىنە سىلتەپ.
«جالپى 2023 جىلدىڭ باسىنان بەرى وسى سالادا 247 قىلمىستىق ءىس تىركەلدى. ولاردان كەلتىرىلگەن شىعىن 15,5 ملرد تەڭگەنى قۇرادى»، - دەلىنگەن حابارلامادا.
سىبايلاس جەمقورلىققا قارسى قىزمەت ءبىلىم سالاسىنداعى جۇيەلى سىبايلاس جەمقورلىقتىڭ جولىن كەسۋ بويىنشا جۇمىستى جالعاستىرۋدا.
مالىمەتتەرگە سايكەس، ۇرلىقتىڭ ەڭ كوپ مولشەرى جەتىسۋ، تۇركىستان، قىزىلوردا، الماتى، اقتوبە وبلىستارى مەن الماتى قالاسىندا انىقتالعان.
«قىلمىس جاساعانى ءۇشىن 327 ادام سوتتالدى، ونىڭ ىشىندە 154 ادام سوتتالىپ، ءارتۇرلى جازاعا تارتىلدى. ونىڭ ىشىندە 86 ەسەپشى، 17 مەكتەپكە دەيىنگى مەكەمە مەڭگەرۋشىسى، 13 مەكتەپ جانە كوللەدج ديرەكتورى، ءتورت ءبىلىم ءبولىمىنىڭ باسشىسى جانە باسقالارى سوتتالدى»، - دەلىنگەن حابارلامادا.
قازىرگى ۋاقىتتا 195 ەسەپشى، 26 مەكتەپ جانە كوللەدج ديرەكتورى، 21 مەكتەپكە دەيىنگى مەكەمە مەڭگەرۋشىسى، 17 كاسىپكەر، 17 ءبىلىم ءبولىمىنىڭ باسشىسى تەرگەۋدە جانە كۇدىكتى رەتىندە تانىلعانى كورسەتىلگەن.
