قوعامدىق قابىلداۋلار كەستەسىنە ساي بۇگىن «SHANYRAQ» وتباسى ينستيتۋتىن قولداۋ ورتالىعىندا شىمكەنت قالاسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتىنىڭ توراعاسى داۋرەن سايحانوۆ قابىلداۋ جۇرگىزدى.
ورتالىققا ءوز قيىندىعىمەن كەلەتىن انالاردىڭ ەڭ ءبىر وزەكتى ماسەلەسىنىڭ ءبىرى – اليمەنت ءوندىرۋ. اجىراسۋ بەلەڭ الۋىنىڭ سالدارىنان اليمەنت ءوندىرۋ دە كوبەيىپ وتىر. بۇگىنگى كەزدەسۋدىڭ دە نەگىزگى تاقىرىبى اليمەنت تاقىرىبى بولدى. بالانىڭ اكەسىنەن اليمەنت وندىرە الماي جۇرگەن انالار ءۇشىن سوت توراعاسى اليمەنت ءوندىرۋ ءۇشىن قايدا بارىپ، قانداي شارا قولدانۋعا بولاتىنىن باياندادى.
ەگەر اليمەنت بويىنشا سوت شەشىمى شىعىپ، سوت ورىنداۋشىسى اليمەنت تولەۋشىگە ءتيىستى قۇجاتتاردى تاپسىرعان كۇننەن باستاپ ءۇش اي وتسە، بىراق اليمەنت تولەنبەسە اليمەنت ءوندىرۋشى ءبىرىنشى كەزەكتە سوت ورىنداۋشىدان اليمەنت قارىزى تۋرالى قاۋلى الادى، ەكىنشىدەن جەرگىلىكتى پوليتسيا بولىمشەسىنە بارىپ، قر قىلمىستىق كودەكسىنىڭ 139 بابى بويىنشا بورىشكەردى جاۋاپكەرشىلىككە تارتۋ تۋرالى ارىزدانادى.
«ءوز پەرزەنتتەرىنىڭ الدىنداعى مىندەتىن ورىنداۋدان باس تارتىپ جۇرگەن ادامدى ناقتى جازاعا تارتۋعا بولادى. جانە وسى زاڭ تالابىن قولدانىپ، پوليتسياعا ارىزدانۋدان قورىقپاۋ كەرەك. اليمەنتتەن جالتارۋ دا قىلمىس قۇرامى بار ارەكەتكە جاتادى» – دەدى د.سايحانوۆ.
تاعى ءبىر ايتا كەتەتىن ماسەلە – ەگەر اليمەنت تولەۋدەن جالتارىپ جۇرگەن ادام جۇمىسسىز بولسا، وندا اليمەنت قر-داعى ورتاشا جالاقى سوماسىمەن، ياعني 216 000 تەڭگەنىڭ 25 پايىزى – ءار بالاعا 54 مىڭ تەڭگە بولىپ ەسەپتەلەدى.
سونىمەن قاتار كوپتەگەن انالار سوت ورىنداۋشىنىڭ اليمەنت وندىرۋگە قاتىستى ەش ارەكەت جاسامايتىنىن ايتىپ شاعىمدانادى. مۇنداي جاعدايدا سوت ورىنداۋشىنىڭ ارەكەتسىزدىگىنە اۋداندىق پروكۋراتۋرا ورگاندارىنا، ادىلەت باسقارماسىنا شاعىم تۇسىرۋگە قۇقىلىسىز.
شىمكەنت قالاسى اكىمدىگىنىڭ ءباسپاسوز قىزمەتى
