Qoǵamdyq qabyldaýlar kestesine saı búgin «SHANYRAQ» Otbasy ınstıtýtyn qoldaý ortalyǵynda Shymkent qalasynyń kámeletke tolmaǵandardyń isteri jónindegi mamandandyrylǵan aýdanaralyq sotynyń tóraǵasy Dáýren Saıhanov qabyldaý júrgizdi.
Ortalyqqa óz qıyndyǵymen keletin analardyń eń bir ózekti máselesiniń biri – alıment óndirý. Ajyrasý beleń alýynyń saldarynan alıment óndirý de kóbeıip otyr. Búgingi kezdesýdiń de negizgi taqyryby alıment taqyryby boldy. Balanyń ákesinen alıment óndire almaı júrgen analar úshin sot tóraǵasy alıment óndirý úshin qaıda baryp, qandaı shara qoldanýǵa bolatynyn baıandady.
Eger alıment boıynsha sot sheshimi shyǵyp, sot oryndaýshysy alıment tóleýshige tıisti qujattardy tapsyrǵan kúnnen bastap úsh aı ótse, biraq alıment tólenbese alıment óndirýshi birinshi kezekte sot oryndaýshydan alıment qaryzy týraly qaýly alady, ekinshiden jergilikti polıııa bólimshesine baryp, QR Qylmystyq kodeksiniń 139 baby boıynsha boryshkerdi jaýapkershilikke tartý týraly aryzdanady.
«Óz perzentteriniń aldyndaǵy mindetin oryndaýdan bas tartyp júrgen adamdy naqty jazaǵa tartýǵa bolady. Jáne osy zań talabyn qoldanyp, polıııaǵa aryzdanýdan qoryqpaý kerek. Alımentten jaltarý da qylmys quramy bar áreketke jatady» – dedi D.Saıhanov.
Taǵy bir aıta ketetin másele – eger alıment tóleýden jaltaryp júrgen adam jumyssyz bolsa, onda alıment QR-daǵy ortasha jalaqy somasymen, ıaǵnı 216 000 teńgeniń 25 paıyzy – ár balaǵa 54 myń teńge bolyp esepteledi.
Sonymen qatar kóptegen analar sot oryndaýshynyń alıment óndirýge qatysty esh áreket jasamaıtynyn aıtyp shaǵymdanady. Mundaı jaǵdaıda sot oryndaýshynyń áreketsizdigine aýdandyq prokýratýra organdaryna, Ádilet basqarmasyna shaǵym túsirýge quqylysyz.
Shymkent qalasy ákimdiginiń baspasóz qyzmeti
