ەشكىم ءوزىنىڭ جەكە گيگيەناسىنىڭ تازالىعىنا، مىنسىزدىگىنە كۇمان كەلتىرمەۋى مۇمكىن. الايدا، سءىز بەتىڭىزدى مۇقيات جۋىپ، تىرناقتارىڭىزدى ۇنەمى قاداعالاپ، ارنايى كرەمدەر جاعۋدا جان سالماي جۇرسەڭىز دە، دارىگەرلەر جەكە گيگيەنادا ءبىز بايقامايتىن ۇساق قاتەلىكتەر بار دەيدى. مۇمكىن ءسىز ولاردى ءالى دە بىلمەيتىن شىعارسىز؟! سوندىقتان «ادىرنا» ۇلتتىق پورتالى ءسىزدىڭ نازارىڭىزعا جەكە گيگيەناداعى ءسىز بايقاماعان 11 قاتەلىكتى ءتىزىپ كورسەتپەك.
- قولدارىڭىزبەن بەتىڭىزدى ءجيى ۇستاۋ
مەن ءسىزدىڭ بەتىڭىزدى قولىڭىزبەن ءجيى ۇستايتىندىعىنا سەنىمدىمىن: نە ءسىز شىنتاعىڭىزبەن سۇيەنەسىز، ياكي ويلانعاندا ۇستاعانىڭىزدى بايقاماي دا قالاسىز. بىراق كەز-كەلگەن قايتالاناتىن جاناسۋ، ۇستاۋ، بەتتىڭ لاستانۋىنا تىكەلەي ىقپال ەتەدى. ويتكەنى ءسىزدىڭ قولىڭىز ءاردايىم تازا بولىپ قالا بەرمەيدى. ءولى تەرى تەسىگىندە مايلاردىڭ ءتۇزىلۋىن بۇزادى، سونىمەن قاتار تەرىنىڭ ءسال قويۋلانۋىن تۋدىرادى. بۇل بەزەۋلەردىڭ پايدا بولۋىنا ىقپال ەتەدى. بۇل ادەتتى جويۋ قيىن بولعانىمەن ءسىز ءوزىڭىزدىڭ قولىڭىزبەن جاسالاتىن ارەكەتتى باسقارا ءبىلۋىڭىز قاجەت.
- جاتتىعۋدان كەيىن بەتىڭىزدى جۋ
جاتتىعۋدان كەيىنگى ادەتكى ءىس- تەرىڭىزدى تەرمەن شايۋ. ياعني، ءسىز جاتتىعىپ بولعان سوڭ بەتىڭىزدى سۋمەن ەمەس، تەرمەن جۋاسىز. سوعان قاراماستان، ماماندار جاتتىعار الدىندا عانا ازداپ جۋ كەرەك دەيدى. ءسىز تەرلەگەن كەزدە تەرىڭىزدى سۇرتۋگە بەيىمسىز، دەمەك ءسىز سول ايماقتا پايدا بولعان كىر مەن مايدى ىسقىلايسىز. سوندىقتان جاتتىعۋ الدىندا بەتىڭىزدى شايىڭىز، سوندا تەك سۋ مەن تۇز شىعادى، جانە ولار تەرىگە مۇلدەم زيانسىز.
- ىستىق دۋش قابىلداۋ
تاڭەرتەڭگى سۋىقتا ىستىق دۋش قابىلداعاننان اسقان ەشتەڭە جوق. الايدا ىستىق سۋ تەرىڭىزدى جاعىمسىز ەتىپ كورسەتەدى: تەرى تەسىكتەرىن اشىپ، ىشكى ىلعالدىڭ جوعالۋىنا ىقپال ەتەدى جانە تەرىنىڭ قورعانىش مايلارىن ازايتادى. بۇل ىلعالدىڭ كۇيىن ناشارلاتادى، قۇرعاقتىق پەن قىشۋدى تۋدىرادى. ءسىز دەنەڭىزدىڭ قىستا كەرەمەت كورىنۋىن قالاساڭىز، ادەتتەگى دۋش تەمپەراتۋراسىن بىرتىندەپ تومەندەتكەنىڭىز ءجون.
- لوسوندى تىم كەش جاعۋ
جۇمىسقا كەشىگىپ بارا جاتقاندا، سۇلۋلىق راسىمدەرىنە ۋاقىت تاپپاي قالاسىز با؟ جامان جاڭالىق: ەگەر ءسىز لوسون نەمەسە ىلعالداندىراتىن كرەمدى كەش قولدانساڭىز، ونىڭ مۇلدەم اسەرى بولمايدى. ۆاننادان كەيىن سۇلگىمەن دەنەڭىزدى قۇرعاتۋ كەرەك، بىراق بەت تەرىسىن تولىقتاي قۇرعاتىپ سۇرتپەڭىز. سودان كەيىن ىلعالداندىراتىن لوسوندار جاعىڭىز. ونى اسىرا سىلتەپ جاقپاۋ كەرەك. بەت كرەمى سياقتى مۇقيات جانە مولشەرلەپ جاعۋ كەرەك.
- كۇن سايىن سابىن قولدانۋ
قىس - تەرىسى قۇرعاق كەز كەلگەن ادام ءۇشىن قيىن كەزەڭ. كەيدە ءسىز ءوزىڭىزدىڭ قولىڭىزعا قانشا لوسون جاقساڭىز دا، ولار قۇرعاق جانە جارىلعان كۇيدە قالادى. ەگەر ءبىزدىڭ رەتسەپتتەرىمىز كومەكتەسپەسە، ۆاننا بولمەسىندە دۋش گەلىن ازىراق قولدانۋعا تىرىسىڭىز، پايدالانعان سوڭ جاقسىلاپ شايىڭىز.
- كۇننەن قورعايتىن كرەم جاقپاۋ
دەرماتولوگتار مۇنى قايتالاۋدان جالىقپايدى، بىراق ءبىز ونى ەلەمەي كەلەمىز. ءسىز كۇن از تۇسەتىن ايماقتا تۇرىپ، كۇن سىزگە زيان تيگىزبەيدى دەپ ويلاساڭىز، قاتەلەسەسىز. كۇن قورعانىسى تۋرالى ۇمىتپاۋ ءۇشىن قۇرامىندا SPF(Sun Protection Factor) بار جاقسى تونالدى كرەم ىزدەڭىز. ول كادەڭىزگە كەز-كەلگەن ۋاقىتتا، ءتىپتى جىلى جانە كۇن شۋاقتى ايماققا جولعا شىقساڭىز دا جارايتىنى انىق.
- جۋىنۋ شۇبەرەگىن اۋىستىرماۋ
ءسىزدىڭ ءوز جۋىنۋ شۇبەرەگىڭىزدى قاشان جانە قايدان ساتىپ الدىڭىز؟ ەگەر ءسىز ەسكە تۇسىرە الماساڭىز، وندا جاڭاسىن ساتىپ الۋدىڭ ۋاقىتى كەلدى دەگەن ءسوز. ءسىزدىڭ شۇبەرەكتەرىڭىزدە باكتەريالار، كوگەرۋ جانە باسقا زياندى زاتتار بولۋى مۇمكىن. ونىڭ جەتكىلىكتى قۇرعاق ەكەندىگىنە كوز جەتكىزىپ، ونى ءجيى اۋىستىرىپ وتىرىڭىز.
- ماكياج ششەتكالارىن، قۇرالدارىن تازالاماۋ
بۇل تەوريالىق تۇرعىدان وتە وڭاي، بىراق ءىس جۇزىندە ءسىز وعان ۋاقىت بولە المايتىن شىعارسىز. تەرەڭ تازارتۋ بىرنەشە مينۋت ۋاقىتتى الادى، بىراق ءسىز قابىنۋداعى ەمدەۋگە كەتەتىن ۋاقىتتى ۇنەمدەيسىز. ماكياج ششەتكالارى، قۇرالدارى باكتەريالاردىڭ كوپ مولشەرىن جينايدى، سوندىقتان ولاردى سابىنمەن مۇقيات شايىپتۇرۋ قاجەت. سوندا ءسىز ماكياجىڭىز ءمىنسىز بولماق.
- اۋىز شايعىشتى قولدانۋ
قۇرامىندا ءسپيرتى بار اۋىز شايعىش سۇيىقتىقتار ءسىزدىڭ اۋزىڭىزدى ءىس جۇزىندە ەداۋىر قۇرعاتادى جانە مۇنداي جاعدايلار باكتەريالاردىڭ كوبۋىنە نەگىز بولادى. ودان دا سىلەكەي شىعارۋدى جەدەلدەتەتىن كسيليت ونىمدەرىن عانا قولدانىڭىز.
- كوفە ىشكەننەن كەيىن ءتىس تازالاۋ
ەشكىم كوفە ىشكەننەن كەيىن تىستەرىنەن كوفە قالدىقتارىن سەزۋدى ۇناتپايدى. بىراق ستوماتولوگتار تاماقتانعاننان كەيىن 20 مينۋتتان ەرتە تىستەرىڭىزدى تازالاۋعا كەڭەس بەرمەيدى. اسىرەسە ءسىز قۇرامىندا كومىرسۋلار مەن قانت مولشەرى كوپ سۋسىندار مەن تاعامداردى قولدانعان بولساڭىز. بۇل ەمالدى السىرەتەتىن جانە قورعانىش قاباتىن زاقىمداۋى مۇمكىن قىشقىل تاعامعا دا قاتىستى. ءسىز ماڭىزدى كەزدەسۋگە باراتىن بولىپ جانە 20 مينۋت كۇتەتىندەي ۋاقىتىڭىز بولماسا؟ اۋزىڭىزدى جاي سۋمەن شايىڭىز.
- تىرناقتاردى شايماۋ
ءبىز كۇندىز قولىمىزدى ءجيى جۋامىز، بىراق ءبىز وعان قانشا ۋاقىت جۇمسايمىز؟ كوبىنەسە ءبىز بۇل پروتسەستى تەز اياقتاپ جۇمىسقا قايتا ورالۋعا اسىعامىز. الايدا، الاقانىڭىزدى عانا جۋىپ قانا قويماي، باكتەريالار مەن كىردى تەز جينايتىن تىرناقتارىڭىزدى دا تازارتۋ كەرەك ەكەنىن ۇمىتپاڭىز. ءسىزدىڭ تىرناقتارىڭىز اۋزىڭىزعا نەمەسە بەتىڭىزگە تيگەندە، تاعى تەرىڭىزگە زاقىم كەلەتىنى ەسىڭىزدە بولسىن.
«ادىرنا» ۇلتتىق پورتالى
