قازاقستاندىق دزيۋدوشى ايگەرىم ابىلقادىروۆا پاريجدە ءوتىپ جاتقان "ۇلكەن دۋلىعا" ءتۋرنيرى كەزىندە قارسىلاسىن نەگە تىستەپ العانىن ايتتى. بۇل تۋرالى ول Instagram جەلىسىندە ايتتى، دەپ حابارلايدى “ادىرنا” ۇلتتىق پورتالى.
قازاقستاندىق قىز 52 كەلىگە دەيىنگى سالماق دارەجەسىندە ءتۋرنيردىڭ العاشقى كەزدەسۋىندە بەلگيالىق شارلين ۆان سنيككە ەسە جىبەرگەنىمەن، قارسىلاسىن تىستەپ العان.
"سىناپ جاتقاندارعا جاۋاپ بەرگىم كەلەدى. كەشە مەن پاريجدەگى "ۇلكەن دۋلىعا" تۋرنيرىندە بەلگيالىق سپورتشىمەن جەكپە-جەككە شىقتىم. ول شىنتاقتى اۋىرتۋ تاسىلىنە كوشتى. مەن بەرىلۋگە بەلگى بەردىم، بىراق سوعان قاراماستان بەلگيالىق سپورتشى قولىمدى سىندىرۋدى جالعاستىردى.
شىنتاعىمنىڭ سىرت ەتكەنىن ەستىگەننەن كەيىن، مەن ونى اۆتومات تۇردە تىستەپ الدىم، باسقا امالىم بولمادى. وسىنىڭ بارىنە قوسا، تورەشى مۇلدە جاۋاپ قاتپاي، جەكپە-جەكتى توقتاتپادى.
ايتپاقشى، ماعان جاعىمسىز سوزدەر جازىپ جاتقان ەركەكتەر... ەگەر سونداي باتىر بولساڭىز، ماعان ءوز نومىرلەرىڭىزدى جازىپ، ويىڭىزداعىنى بەتىمە ايتىپ كورىڭىز، ەگەر باتىل بولساڭىز، ارينە", - دەدى سپورتشى.
