Eshkim óziniń jeke gıgıenasynyń tazalyǵyna, minsizdigine kúmán keltirmeýi múmkin. Alaıda, siz betińizdi muqııat jýyp, tyrnaqtaryńyzdy únemi qadaǵalap, arnaıy kremder jaǵýda jan salmaı júrseńiz de, dárigerler jeke gıgıenada biz baıqamaıtyn usaq qatelikter bar deıdi. Múmkin siz olardy áli de bilmeıtin shyǵarsyz?! Sondyqtan «Adyrna» ulttyq portaly sizdiń nazaryńyzǵa jeke gıgıenadaǵy siz baıqamaǵan 11 qatelikti tizip kórsetpek.
- Qoldaryńyzben betińizdi jıi ustaý
Men sizdiń betińizdi qolyńyzben jıi ustaıtyndyǵyna senimdimin: ne siz shyntaǵyńyzben súıenesiz, ıakı oılanǵanda ustaǵanyńyzdy baıqamaı da qalasyz. Biraq kez-kelgen qaıtalanatyn janasý, ustaý, bettiń lastanýyna tikeleı yqpal etedi. Óıtkeni sizdiń qolyńyz árdaıym taza bolyp qala bermeıdi. Óli teri tesiginde maılardyń túzilýin buzady, sonymen qatar teriniń sál qoıýlanýyn týdyrady. Bul bezeýlerdiń paıda bolýyna yqpal etedi. Bul ádetti joıý qıyn bolǵanymen siz ózińizdiń qolyńyzben jasalatyn áreketti basqara bilýińiz qajet.
- Jattyǵýdan keıin betińizdi jýý
Jattyǵýdan keıingi ádetki is- terińizdi termen shaıý. Iaǵnı, siz jattyǵyp bolǵan soń betińizdi sýmen emes, termen jýasyz. Soǵan qaramastan, mamandar jattyǵar aldynda ǵana azdap jýý kerek deıdi. Siz terlegen kezde terińizdi súrtýge beıimsiz, demek siz sol aımaqta paıda bolǵan kir men maıdy ysqylaısyz. Sondyqtan jattyǵý aldynda betińizdi shaıyńyz, sonda tek sý men tuz shyǵady, jáne olar terige múldem zııansyz.
- Ystyq dýsh qabyldaý
Tańerteńgi sýyqta ystyq dýsh qabyldaǵannan asqan eshteńe joq. Alaıda ystyq sý terińizdi jaǵymsyz etip kórsetedi: teri tesikterin ashyp, ishki ylǵaldyń joǵalýyna yqpal etedi jáne teriniń qorǵanysh maılaryn azaıtady. Bul ylǵaldyń kúıin nasharlatady, qurǵaqtyq pen qyshýdy týdyrady. Siz deneńizdiń qysta keremet kórinýin qalasańyz, ádettegi dýsh temperatýrasyn birtindep tómendetkenińiz jón.
- Losondy tym kesh jaǵý
Jumysqa keshigip bara jatqanda, sulýlyq rásimderine ýaqyt tappaı qalasyz ba? Jaman jańalyq: eger siz loson nemese ylǵaldandyratyn kremdi kesh qoldansańyz, onyń múldem áseri bolmaıdy. Vannadan keıin súlgimen deneńizdi qurǵatý kerek, biraq bet terisin tolyqtaı qurǵatyp súrtpeńiz. Sodan keıin ylǵaldandyratyn losondar jaǵyńyz. Ony asyra siltep jaqpaý kerek. Bet kremi sııaqty muqııat jáne mólsherlep jaǵý kerek.
- Kún saıyn sabyn qoldaný
Qys - terisi qurǵaq kez kelgen adam úshin qıyn kezeń. Keıde siz ózińizdiń qolyńyzǵa qansha loson jaqsańyz da, olar qurǵaq jáne jarylǵan kúıde qalady. Eger bizdiń reeptterimiz kómektespese, vanna bólmesinde dýsh gelin azyraq qoldanýǵa tyrysyńyz, paıdalanǵan soń jaqsylap shaıyńyz.
- Kúnnen qorǵaıtyn krem jaqpaý
Dermatologtar muny qaıtalaýdan jalyqpaıdy, biraq biz ony elemeı kelemiz. Siz kún az túsetin aımaqta turyp, kún sizge zııan tıgizbeıdi dep oılasańyz, qatelesesiz. Kún qorǵanysy týraly umytpaý úshin quramynda SPF(Sun Protection Factor) bar jaqsy tonaldy krem izdeńiz. Ol kádeńizge kez-kelgen ýaqytta, tipti jyly jáne kún shýaqty aımaqqa jolǵa shyqsańyz da jaraıtyny anyq.
- Jýyný shúberegin aýystyrmaý
Sizdiń óz jýyný shúberegińizdi qashan jáne qaıdan satyp aldyńyz? Eger siz eske túsire almasańyz, onda jańasyn satyp alýdyń ýaqyty keldi degen sóz. Sizdiń shúberekterińizde bakterııalar, kógerý jáne basqa zııandy zattar bolýy múmkin. Onyń jetkilikti qurǵaq ekendigine kóz jetkizip, ony jıi aýystyryp otyryńyz.
- Makııaj etkalaryn, quraldaryn tazalamaý
Bul teorııalyq turǵydan óte ońaı, biraq is júzinde siz oǵan ýaqyt bóle almaıtyn shyǵarsyz. Tereń tazartý birneshe mınýt ýaqytty alady, biraq siz qabynýdaǵy emdeýge ketetin ýaqytty únemdeısiz. Makııaj etkalary, quraldary bakterııalardyń kóp mólsherin jınaıdy, sondyqtan olardy sabynmen muqııat shaıypturý qajet. Sonda siz makııajyńyz minsiz bolmaq.
- Aýyz shaıǵyshty qoldaný
Quramynda spırti bar aýyz shaıǵysh suıyqtyqtar sizdiń aýzyńyzdy is júzinde edáýir qurǵatady jáne mundaı jaǵdaılar bakterııalardyń kóbýine negiz bolady. Odan da silekeı shyǵarýdy jedeldetetin ksılıt ónimderin ǵana qoldanyńyz.
- Kofe ishkennen keıin tis tazalaý
Eshkim kofe ishkennen keıin tisterinen kofe qaldyqtaryn sezýdi unatpaıdy. Biraq stomatologtar tamaqtanǵannan keıin 20 mınýttan erte tisterińizdi tazalaýǵa keńes bermeıdi. Ásirese siz quramynda kómirsýlar men qant mólsheri kóp sýsyndar men taǵamdardy qoldanǵan bolsańyz. Bul emaldy álsiretetin jáne qorǵanysh qabatyn zaqymdaýy múmkin qyshqyl taǵamǵa da qatysty. Siz mańyzdy kezdesýge baratyn bolyp jáne 20 mınýt kútetindeı ýaqytyńyz bolmasa? Aýzyńyzdy jaı sýmen shaıyńyz.
- Tyrnaqtardy shaımaý
Biz kúndiz qolymyzdy jıi jýamyz, biraq biz oǵan qansha ýaqyt jumsaımyz? Kóbinese biz bul proesti tez aıaqtap jumysqa qaıta oralýǵa asyǵamyz. Alaıda, alaqanyńyzdy ǵana jýyp qana qoımaı, bakterııalar men kirdi tez jınaıtyn tyrnaqtaryńyzdy da tazartý kerek ekenin umytpańyz. Sizdiń tyrnaqtaryńyz aýzyńyzǵa nemese betińizge tıgende, taǵy terińizge zaqym keletini esińizde bolsyn.
«Adyrna» ulttyq portaly
