مىندەتتى اۆتوكولىكتى ساقتاندىرۋدىڭ ءبىزدىڭ ەلدە ءوز ەرەكشەلىگى بار. ۇلكەن قالالاردا قىمباتتاۋ، كىشى قالالار مەن وبلىستاردا ارزانداۋ. شەتەلدە تاكسي جۇرگىزۋشىلەرى ءۇشىن ساقتاندىرۋ باعاسى ورتاشا 60% كوبىرەك. ءجاي جۇرگىزۋشىلەر ءۇشىن ارزانداۋ. نەگىزى لوگيكاعا سالساق، وسى دۇرىس سياقتى. سەبەبى، كولىگىمەن تەك جۇمىس، ءۇي، ارى بەرى جۇرەتىن ادامدار جىلىنا ورتاشا 15-20 مىڭ كم جۇرەدى. ال تاكسيستتەر ورتاشا 60-80 مىڭ جۇرەدى.
كىم كوپ جۇرسە سونشالىقتى جول كولىك وقيعالارىنا ءتۇسۋ ىقتيمالدىلىعى جوعارىراق. بىراق بىزدە بۇل نارسەگە ونشا ءمان بەرمەيدى. ەسەسىنە ءجاي جۇرگىزۋشى مەن تاكسيستتەر بىردەي ساقتاندىرۋ جارناسىن تولەيدى.
بۇل نارسەنى بىزگە دە ەنگىزۋ ءۇشىن الدىمەن جۇرگىزۋشى كۋالىگىن زاڭسىز الۋدى رەتتەۋ كەرەك. كوپ جۇرگىزۋشىلەر كۋالىكتەرىن ساتىپ العان سوڭ جول كولىك وقيعالارىنا ءتۇسىپ جاتادى. وسى جاعىن رەتتەۋ كەرەك. مويىنداۋ كەرەك جۇرگىزۋشى كۋالىگىن ءوز كۇشىڭمەن الۋ ۋنيۆەرسيتەتكە تۇسۋدەن دە قيىن. وسىنى ءبىراز جەڭىلدەتۋ كەرەك دەپ ويلايمىن.
جالپى جىلىنا 10 000 كم جول جۇرەتىن جۇرگىزۋشى مەن جىلىنا 80 000 كم جول جۇرەتىن تاكسيتتەردىڭ بىردەي ساقتاندىرۋ جارناسىن تولەۋى دۇرىس ەمەس سياقتى. ءسىز قالاي ويلايسىز، وقىرمان؟
ءسابيت رىسباەۆ،
"ادىرنا" ۇلتتىق پورتالى
