جەڭىس كۇنى قارساڭىندا قىزىلوردا وبلىسى شيەلى اۋدان ورتالىعىنداعى ارداگەر سارسەنبەك بايجانوۆقا سىر جۇرتشىلىعى كولىك سىيلادى، دەپ حابارلايدى «ادىرنا» ءتىلشىسى.
ايماق باسشىسى نۇرلىبەك نالىباەۆ اقساقالدىڭ ۇيىنە بارىپ، ونى عاسىرلىق مەرەيتويىمەن قۇتتىقتادى.
«قازاقتا «قوس تويىڭ قابات بولسىن، ەكى دۇنيەڭ ابات بولسىن» دەيدى. بيىل ءسىزدىڭ 100 جاسقا تولۋىڭىزبەن قاتار ۇلى جەڭىستىڭ 78 جىلدىعىن دا تويلاۋدامىز. 9 مامىردى ۇلى جەڭىس مەرەكەسى دەسەك تە، وعان جەتەتىن جولدىڭ قانشالىقتى اۋىر بولعانىن بۇگىنگى ۇرپاق ەشقاشان ۇمىتپايدى. تۋعان ەلدىڭ تاۋەلسىزدىگى مەن بوستاندىعى ءۇشىن جانىن قيعان بوزداقتارىمىزدى ءبىز ماڭگى ەستە ساقتايمىز. مايدان دالاسىندا وتان ءۇشىن كەۋدەنى وققا توسقان ەرلىكتەرىڭىز بەن قايسارلىقتارىڭىز ءۇشىن باس ءيىپ العىس بىلدىرەمىز»، - دەدى وبلىس اكىمى.
عاسىر كۋاگەرى سارسەنبەك بايجانۇلى بەرەكە-بىرلىك بار جەردە عانا ءىستىڭ العا باساتىنىن ايتىپ، اق باتاسىن بەردى.
ايتا كەتەيىك، قازىرگى تاڭدا وبلىستا 6 ۇلى وتان سوعىسىنىڭ ارداگەرى بار.
