پاريج وليمپياداسىندا بەسىنشى ورىن العان قازاقستاندىق دزيۋدوشى ءابيبا ابۋجاقىنوۆاعا تاعى ءبىر كولىك سىيعا بەرىلدى، دەپ حابارلايدى «ادىرنا» ءتىلشىسى.
«جەڭىس» دزيۋدو كلۋبىنىڭ پرەزيدەنتى الماز السەنوۆ ءوز اتىنان تانىمال دزيۋدوشىعا سۋ جاڭا BMW ح3 كروسسوۆەرىن تارتۋ ەتتى.
«بۇل – ءبىر كۇندىك ەمەس، كوپ جىلدىق ەڭبەگىمنىڭ، ماڭداي تەرىممەن، تىنىمسىز جاتتىعۋلاردىڭ ناتيجەسىندە جەتكەن سىي دەپ قابىلدايمىن. ءبارىڭىزدىڭ قولداۋلارىڭىزعا ريزامىن! ءالى-اق سىزدەردىڭ ۇمىتتەرىڭىزدى اقتاپ، قولداۋلارىڭىزدىڭ وتەۋى رەتىندە جەڭىستى جولدى جالعاستىرامىن دەپ ۋادە بەرەمىن»، - دەپ ريزاشىلىعىن ءبىلدىردى ءابيبا ابۋجاقىنوۆا.
بۇعان دەيىن سپورتشىعا «رەسپۋبليكا» پارتياسىنىڭ توراعاسى ايداربەك حودجانازاروۆ پەن اتىراۋ وبلىسىنىڭ اكىمى سەرىك شاپكەنوۆ تەمىر تۇلپاردىڭ كىلتىن تابىستاعان ەدى.
