Міндетті автокөлікті сақтандырудың біздің елде өз ерекшелігі бар. Үлкен қалаларда қымбаттау, кіші қалалар мен облыстарда арзандау. Шетелде такси жүргізушілері үшін сақтандыру бағасы орташа 60% көбірек. Жәй жүргізушілер үшін арзандау. Негізі логикаға салсақ, осы дұрыс сияқты. Себебі, көлігімен тек жұмыс, үй, ары бері жүретін адамдар жылына орташа 15-20 мың км жүреді. Ал таксисттер орташа 60-80 мың жүреді.
Кім көп жүрсе соншалықты жол көлік оқиғаларына түсу ықтималдылығы жоғарырақ. Бірақ бізде бұл нәрсеге онша мән бермейді. Есесіне жәй жүргізуші мен таксисттер бірдей сақтандыру жарнасын төлейді.
Бұл нәрсені бізге де енгізу үшін алдымен жүргізуші куәлігін заңсыз алуды реттеу керек. Көп жүргізушілер куәліктерін сатып алған соң жол көлік оқиғаларына түсіп жатады. Осы жағын реттеу керек. Мойындау керек жүргізуші куәлігін өз күшіңмен алу университетке түсуден де қиын. Осыны біраз жеңілдету керек деп ойлаймын.
Жалпы жылына 10 000 км жол жүретін жүргізуші мен жылына 80 000 км жол жүретін такситтердің бірдей сақтандыру жарнасын төлеуі дұрыс емес сияқты. Сіз қалай ойлайсыз, оқырман?
Сәбит РЫСБАЕВ,
"Адырна" ұлттық порталы
