threads.com/@amina_zhm
استانادا ىسكەرلىك ورتالىقتاردىڭ ءبىرىنىڭ اۆتوتۇراعىندا قاتتى جەلدىڭ سالدارىنان قۇرىلىس ماتەريالى قۇلاپ، ەكى كولىك زاقىمداندى، دەپ حابارلايدى "ادىرنا" ءتىلشىسى.
وقيعا 5 قازاندا بولعان. الەۋمەتتىك جەلىدە جاريالانعان اقپاراتقا سايكەس، ساعات 13:40 شاماسىندا كوپفۋنكتسيونالدى كەشەننىڭ شاتىرىنان قۇرىلىس ماتەريالى اۆتوتۇراقتاعى كولىكتىڭ ۇستىنە قۇلاعان. وقيعادان كەيىن كولىك يەسى پوليتسيا شاقىرعان.
استانا قالاسى پوليتسيا دەپارتامەنتىنىڭ ەسىل اۋدانى پوليتسيا باسقارماسى جۇرگىزگەن تەكسەرۋ بارىسىندا ەكى ءاۆتوموبيلدىڭ — Hyundai Mufasa جانە Chevrolet Tahoe كولىكتەرىنىڭ زاقىمدانعانى انىقتالدى.
پوليتسيانىڭ مالىمەتىنشە، كوپفۋنكتسيونالدى كەشەننىڭ شاتىرىنان قاتتى جەلدىڭ اسەرىنەن OSB تاقتاسى جۇلىنىپ كەتكەن. قۇرىلىس ماتەريالى اۆتوتۇراق اۋماعىنا قۇلاپ، سوندا تۇرعان ەكى كولىككە زاقىم كەلتىرگەن.
«اتالعان فاكت بويىنشا اقپارات ەسىل اۋدانىنىڭ پوليتسيا باسقارماسىندا تىركەلدى. قازىرگى ۋاقىتتا تەكسەرۋ جۇرگىزىلىپ جاتىر»، – دەپ حابارلادى پوليتسيا.
