استانادا حالىقارالىق تۇرىك اكادەمياسىنىڭ ۇيىمداستىرۋىمەن وتكەن جازدا موڭعولياداعى كونە تۇركىلەردىڭ «شيۆەەت ۋلاان» عۇرىپتىق كەشەنىنە جۇرگىزىلگەن «ءتاڭىرتاۋدان وتۇكەنگە دەيىن: ۇلى دالا كوشپەلىلەرىنىڭ تاريحي-مادەني قازىنالارى» اتتى ءىى حالىقارالىق ەكسپەديتسيانىڭ عىلىمي جاڭالىقتارى مەن قورىتىندى ناتيجەلەرى تانىستىرىلدى، دەيدى BAQ.kz
«موڭعوليانىڭ ورتالىق اۋدانىندا ورنالاسقان «شيۆەەت ۋلاان» دەپ اتالاتىن اسا ءىرى عۇرىپتىق كەشەن بار. وسى كەشەندە ارحەولوگيالىق زەرتتەۋ، جالپى قۇرىلىم ءبىتىمىن انىقتاۋ ماقساتىندا بىرلەسكەن ەكسپەديتسيا 2 اي بويى قازبا جۇمىستارىن جۇرگىزدى. باستى ماقساتىمىز قورىمنىڭ قۇرىلىم-ءبىتىمىن انىقتاۋ بولدى. ويتكەنى، بۇل كونە تۇركى ءداۋىرىنىڭ ءبىتىم-بولمىسى جاعىنان قايتالانبايتىن ەرەكشە كەشەنى. 60-تان استام تاڭباسى، 30-عا جۋىق تاس مۇسىندەرى بار، تاۋدىڭ توبەسىندە، ەكى وزەننىڭ قيىلىسىندا ورنالاسقان»، - دەيدى «شيۆەەت ۋلاانداعى» ەكسپەديتسيانىڭ قازاقستاندىق توبىنا جەتەكشى بولعان عالىم ءناپىل بازىلحان.
ءناپىل ءبازىلحاننىڭ ايتۋىنا قاراعاندا بۇل كەشەندى بۇعان دەيىن كەڭ كولەمدە ەشكىم زەرتتەمەگەن.
«كەشەن قۇرىلىسىنىڭ جالپى كولەمى 120*45 مەتردى قۇرايدى. جالپى قۇرىلىمى تاسپەن قالانعان، ءتورتبۇرىشتى سوزىلىڭقى ءپىشىندى 11 كىشىگىرىم مۇنارالى قامال قابىرعالاردان تۇرادى. مۇنان بولەك، باس قۇرىلىستىڭ 8 قىرلى بولىگىنىڭ ءتورتبۇرىش تەكشە ىرگەتاستى. وسى جەردە قازاقتىڭ «سەگىز قىرلى، ءبىر سىرلى» دەگەن ءسوزى ەسكە تۇسەدى. ارحەولوگيالىق زەرتتەۋ بارىسىندا 9 ادام بەينەلى، 4 جىرقىش اڭ بەينەلى، 1 قوزىلى قوي بەينەلى، 3 قوشقار بەينەلى تاس مۇسىندەر تابىلدى» - دەيدى عالىم.
ايتا كەتەرلىگى، بۇل ەكسپەديتسياعا تۇركى اكادەمياسى حالىقارالىق ۇيىمى قولداۋ كورسەتكەن.
تانىستىرىلىم سوڭىندا ءناپىل ءبازىلحاننىڭ ەڭبەگىن جوعارى باعالاعان تۇرىك اكادەمياسى حالىقارالىق ۇيىمى وعان «قۇرمەت گروماتاسىن» تاپسىردى.
