سيريا استاناسى داماسكىدە ەكس-پرەزيدەنت باشار اساد پەن ونىڭ اعاسى ماحەر اسادقا سىرتتاي سوت پروتسەسى باستالدى. بۇل تۋرالى «انادولۋ» جازدى، دەپ حابارلايدى «ادىرنا» ءتىلشىسى.
ءىس ادىلەت سارايىندا ورنالاسقان ءتورتىنشى قىلمىستىق سوتتا قارالۋدا. ىسكە جوعارى لاۋازىمدى اسكەري شەنەۋنىكتەر مەن قاۋىپسىزدىك قىزمەتى وكىلدەرىنىڭ دە ەسىمدەرى ەنگىزىلگەن. اتاپ ايتقاندا، وتىرىستا باشار اساد پەن ماحەر اسادتان بولەك، مۇحاممەد ايمان ايۋش، بۇرىنعى قورعانىس ءمينيسترى فاحد كاسەم ءال-فرەيدج، دەراا اسكەري بارلاۋ قىزمەتىنىڭ باسشىسى لۋاي ءال-الي، دەراا بارلاۋ بولىمشەسىنىڭ باسشىسى فافيك ناسير جانە تاليال حۋسەين كومانديرىنىڭ ەسىمدەرى اتالعان.
مالىمەتكە سايكەس، اتالعان تۇلعالاردىڭ بارلىعى شەتەلگە قاشىپ كەتكەندىكتەن، ولاردىڭ ءىسى سىرتتاي قارالۋدا. سوت قولدانىستاعى زاڭناماعا سايكەس ايىپ تاعىلعانى جونىندە ولاردى حاباردار ەتۋ ءراسىمىن باستايدى.
ايتا كەتەيىك، وتىرىس سيريا اراب رەسپۋبليكاسىنىڭ باس پروكۋرورىنىڭ ورىنباسارى حاسان ات-ترۋبەنىڭ توراعالىعىمەن وتۋدە.
