Astanada Halyqaralyq Túrik akademııasynyń uıymdastyrýymen ótken jazda Mońǵolııadaǵy kóne túrkilerdiń «Shıveet ýlaan» ǵuryptyq keshenine júrgizilgen «Táńirtaýdan Ótúkenge deıin: Uly dala kóshpelileriniń tarıhı-mádenı qazynalary» atty II halyqaralyq ekspedıııanyń ǵylymı jańalyqtary men qorytyndy nátıjeleri tanystyryldy, deıdi BAQ.kz
«Mońǵolııanyń ortalyq aýdanynda ornalasqan «Shıveet ýlaan» dep atalatyn asa iri ǵuryptyq keshen bar. Osy keshende arheologııalyq zertteý, jalpy qurylym bitimin anyqtaý maqsatynda birlesken ekspedıııa 2 aı boıy qazba jumystaryn júrgizdi. Basty maqsatymyz qorymnyń qurylym-bitimin anyqtaý boldy. Óıtkeni, bul kóne túrki dáýiriniń bitim-bolmysy jaǵynan qaıtalanbaıtyn erekshe kesheni. 60-tan astam tańbasy, 30-ǵa jýyq tas músinderi bar, taýdyń tóbesinde, eki ózenniń qıylysynda ornalasqan», - deıdi «Shıveet ýlaandaǵy» ekspedıııanyń qazaqstandyq tobyna jetekshi bolǵan ǵalym Nápil Bazylhan.
Nápil Bázilhannyń aıtýyna qaraǵanda bul keshendi buǵan deıin keń kólemde eshkim zerttemegen.
«Keshen qurylysynyń jalpy kólemi 120*45 metrdi quraıdy. Jalpy qurylymy taspen qalanǵan, tórtburyshty sozylyńqy pishindi 11 kishigirim munaraly qamal qabyrǵalardan turady. Munan bólek, bas qurylystyń 8 qyrly bóliginiń tórtburysh tekshe irgetasty. Osy jerde qazaqtyń «segiz qyrly, bir syrly» degen sózi eske túsedi. Arheologııalyq zertteý barysynda 9 adam beıneli, 4 jyrqysh ań beıneli, 1 qozyly qoı beıneli, 3 qoshqar beıneli tas músinder tabyldy» - deıdi ǵalym.
Aıta keterligi, bul ekspedıııaǵa Túrki akademııasy halyqaralyq uıymy qoldaý kórsetken.
Tanystyrylym sońynda Nápil Bázilhannyń eńbegin joǵary baǵalaǵan Túrik akademııasy halyqaralyq uıymy oǵan «Qurmet gromatasyn» tapsyrdy.
