شىعىس قازاقستان وبلىسىندا تۇراتىن مۇعالىم مەيىرجان تەمىربەك ءوزىنىڭ الەۋمەتتىك جەلىدەگى پاراقشاسىندا سوققىعا جىعىلعان مۇعالىم تۋرالى اقپارات جازدى. شقو، تارباعاتاي اۋدانى، اقجار اۋىلىندا تۇراتىن گەوگرافيا ءپانىنىڭ مۇعالىمى ءومىرحان قاناعاتوۆتى اۋداندىق ءماسليحات دەپۋتاتى سوققىعا جىققان. بۇل قالاي بولعانى؟
«ءومىرحان اعامىزدى تالايدان بەرى تانيمىن. بيليالوۆ اتىنداعى مەكتەپ گيمنازياسىندا تالاي جىل ەڭبەك اتقارىپ كەلەدى. وقۋشىلارى دا تالاي شىڭدى باعىندىرىپ جۇلدەگەر اتانعان. مەكتەپتە ءااد كابينەتىندە گەوگرافيا ءپانى مۇعالىمى وميرحان قاناعاتوۆتى اۋداندىق ءماسليحات دەپۋتاتى سوققىعا جىققان. كەشە وقيعانى ەستي سالىسىمەن ءبىراز ازاماتتار جينالىپ باردىق. قال-جاعدايىن سۇرادىق. مەكتەپ توبەلەس اشاتىن ورىن ەمەس.
سۋرەتتە مۇعالىمدى سوققىعا جىقتى دەگەن تارباعاتاي اۋداندىق ءماسليحات دەپۋتاتى سەرجان وماربەكوۆ.
ساباق ۋاقىتىندا ەشكىمنىڭ رۇقساتسىز كىرۋىنە بولمايدى، قازىرگى جاعدايدا ءتىپتى كىرۋگە بولمايدى. مەكتەپتىڭ كامەرالارىن دا تەكسەرۋ قاجەت. جەكە اۋدان عانا ەمەس سول مەكتەپتىڭ دە، اۋىلىنىڭ دا ماسەلەلەرىن كوتەرىپ جۇرگەن بەلسەندى ازامات، مۇعالىم. جينالىپ اۋىل اكىمىنە دە باردىق. ول كىسىنىڭ پىكىرىنشە ء"ومىرحان ءوزى قۇلاپ قالىپتى". بۇگىن "اقساقالداردى" جيناپ ورتاعا سالىپ تالقىلاماقشى ەكەن. مۇعالىمنىڭ ماسەلەسىن اقساقالداردىڭ تالقىلاۋىنا جول بولسىن؟ ءبىر دەپۋتاتتىڭ ماسەلەسىن قاراۋعا بيلىكتىڭ قاۋقارى جەتپەي وتىر ما؟ ماسەلە جۇدىرىقپەن ەمەس، اقىلمەن شەشىلۋى ءتيىس! ماسەلەنى ەندى اقىلدى قويىپ جۇدىرىقپەن شەشۋگە كوشتىڭىزدەر مە؟
مەنىڭ وزىمە دە جان-جاقتان زۆونوك جاساتىپ ءبىراز ادامداردى الدىنان بەرى جىبەرىپ وتىرسىزدار. ماعان بىردەڭە بولسا كىمنەن كورۋ كەرەك ەكەنىن ەندى جاقسى بىلەسىزدەر. بۇل ءىس تە قاراۋسىز قالمايدى. سوڭعى شەشىمدى ءومىرحان اعا ءوزى قابىلداپ وتىر، سوندىقتان پىش-پىش اڭگىمەنى دوعارعان ءجون...» دەپ جازدى بۇل تۋرالى مەيىرجان تەمىربەك. وسى ماسەلەگە بايلانىستى ەلىمىزدەگى باسقا دا مۇعالىمدەر «تارباعاتاي اۋدانىنىڭ ات سپورتى مەكتەبىنىڭ ديرەكتورى، پەداگوگ، تارباعاتاي اۋدانىنىڭ قۇرمەتتى ازاماتى وماربەكوۆ سەرجان كوكەنۇلى "سەن نەگە اۋدان ماسەلەسىن كوتەرەسىڭ" دەپ مەكتەپكە كەلىپ، نۆپ كابينەتىندە سوققىعا جىققان. اۋدان ماسەلەسىن كوتەرىپ جۇرگەن بەلسەندى ازاماتىمىزدى سوققىعا جىققىزىپ قاراپ وتىرا المايمىز!» دەسىپ قر ءبىلىم جانە عىلىم ءمينيسترى اسحات ايماعامبەتوۆتىڭ بۇل ىسكە ارالاسۋىن سۇرادى.
"ادىرنا" ۇلتتىق پورتالى.
