Shyǵys Qazaqstan oblysynda turatyn muǵalim Meıirjan Temirbek óziniń áleýmettik jelidegi paraqshasynda soqqyǵa jyǵylǵan muǵalim týraly aqparat jazdy. ShQO, Tarbaǵataı aýdany, Aqjar aýylynda turatyn geografııa pániniń muǵalimi Ómirhan Qanaǵatovty aýdandyq máslıhat depýtaty soqqyǵa jyqqan. Bul qalaı bolǵany?
«Ómirhan aǵamyzdy talaıdan beri tanımyn. Bılıalov atyndaǵy mektep gımnazııasynda talaı jyl eńbek atqaryp keledi. Oqýshylary da talaı shyńdy baǵyndyryp júldeger atanǵan. Mektepte AÁD kabınetinde geografııa páni muǵalimi Omırhan Qanaǵatovty aýdandyq máslıhat depýtaty soqqyǵa jyqqan. Keshe oqıǵany estı salysymen biraz azamattar jınalyp bardyq. Qal-jaǵdaıyn suradyq. Mektep tóbeles ashatyn oryn emes.
Sýrette muǵalimdi soqqyǵa jyqty degen Tarbaǵataı aýdandyq máslıhat depýtaty Serjan Omarbekov.
Sabaq ýaqytynda eshkimniń ruqsatsyz kirýine bolmaıdy, qazirgi jaǵdaıda tipti kirýge bolmaıdy. Mekteptiń kameralaryn da tekserý qajet. Jeke aýdan ǵana emes sol mekteptiń de, aýylynyń da máselelerin kóterip júrgen belsendi azamat, muǵalim. Jınalyp aýyl ákimine de bardyq. Ol kisiniń pikirinshe "Omirhan ózi qulap qalypty". Búgin "aqsaqaldardy" jınap ortaǵa salyp talqylamaqshy eken. Muǵalimniń máselesin aqsaqaldardyń talqylaýyna jol bolsyn? Bir depýtattyń máselesin qaraýǵa bıliktiń qaýqary jetpeı otyr ma? Másele judyryqpen emes, aqylmen sheshilýi tıis! Máseleni endi aqyldy qoıyp judyryqpen sheshýge kóshtińizder me?
Meniń ózime de jan-jaqtan zvonok jasatyp biraz adamdardy aldynan beri jiberip otyrsyzdar. Maǵan birdeńe bolsa kimnen kórý kerek ekenin endi jaqsy bilesizder. Bul is te qaraýsyz qalmaıdy. Sońǵy sheshimdi Omirhan aǵa ózi qabyldap otyr, sondyqtan pysh-pysh áńgimeni doǵarǵan jón...» dep jazdy bul týraly Meıirjan Temirbek. Osy máselege baılanysty elimizdegi basqa da muǵalimder «Tarbaǵataı aýdanynyń at sporty mektebiniń dırektory, pedagog, Tarbaǵataı aýdanynyń qurmetti azamaty Omarbekov Serjan Kókenuly "sen nege aýdan máselesin kóteresiń" dep mektepke kelip, NVP kabınetinde soqqyǵa jyqqan. Aýdan máselesin kóterip júrgen belsendi azamatymyzdy soqqyǵa jyqqyzyp qarap otyra almaımyz!» desip QR Bilim jáne ǵylym mınıstri Ashat Aımaǵambetovtiń bul iske aralasýyn surady.
"Adyrna" ulttyq portaly.
