جەتىسۋ وبلىسىندا ءماسليحات دەپۋتاتى داۋرەن يسلاموۆ پىشاق جاراقاتىنان قايتىس بولدى. بۇل تۋرالى جۋرناليست ساندۋعاش دۇيسەنوۆا جاريالادى، دەپ حابارلايدى “ادىرنا” ۇلتتىق پورتالى.
وقيعا 15 قاڭتار كۇنى ساعات 15:25-تە بولعان. الاكول اۋداندىق پوليتسياسىنا ءۇشارال قالاسىندا سالىنىپ جاتقان نىسانداردىڭ بىرىندە ماساڭ كۇيدەگى ەر ادام جۇمىسشىلارعا ءتيىسىپ جاتقانى تۋرالى حابارلاما كەلىپ تۇسكەن.
«پوليتسيا كۇدىكتىنىڭ 24 جاستاعى جەرگىلىكتى تۇرعىن ەكەندىگىن انىقتادى. ءتارتىپ ساقشىلارى كەلگەنگە دەيىن كۇدىكتى جۇمىسشىلارعا جاقتاسقان 34 جاستاعى ەر ادامعا پىشاق جاراقاتىن سالىپ ۇلگەرگەن. كۇدىكتىنى وقيعا ورنىنا كەلگەن پوليتسيا قىزمەتكەرلەرى قوڭىراۋ تۇسكەننەن كەيىن بەس مينۋت ىشىندە ۇستادى. الايدا زارداپ شەگۋشى العان جاراقىتىنىڭ سالدارىنان جەدەل جاردەم كولىگىندە قايتىس بولدى»، - دەلىنگەن حابارلامادا.
كۇدىكتى الاكول اپب ۋاقىتشا ۇستاۋ يزولياتورىنا قاماۋعا الىندى. ااتالعان فاكتى بويىنشا قاجەتتى ساراپتامالاردى تاعايىنداۋمەن قاتار قىلمىستىق ءىس قوزعالدى.
