بارلىبەك سىرتانوۆتىڭ «قازاق ەلىنىڭ ۋستاۆى» اتتى ەڭبەگىندەگى زاڭدار مەن ازات قازاقستاننىڭ كونستيتۋتسياسىنداعى بىرەگەيلىكتەر تۋرالى "ادىرنا" ۇلتتىق پورتالى حابارلايدى.
ۇقساستىق پەن ايىرماشىلىق: زامان وزگەردى، زاڭ شە؟
ءبىزدىڭ ءتول تاريح 1465 جىلدان باستاۋ الادى. قاسىمنىڭ قاسقا جولى، ەسىمنىڭ ەسكى جولى، تاۋكەنىڭ جەتى جارعىسى ەل باسقارۋدىڭ وزىندىك ەرەكشەلىگىن توپتاستىرعان تولعاۋى تەرەڭ تاريحي زاڭ ەدى. كەيىن الاشوردانىڭ نەگىزىن قالاۋشى بوكەيحانوۆتىڭ تاپسىرماسىمەن بارلىبەك سىرتانوۆ «قازاق ەلىنىڭ ۋستاۆى» ەڭبەگىن جارىققا شىعارادى.
قازاق ەلى رەسپۋبليكاسىن قۇرۋ تۋرالى ءيىرىمدى يدەياسىن دامىتىپ، كولەمدى زاڭناما قۇرادى.
1911 جىلى ازاتتىق ءۇشىن كۇرەس جولىندا قۇرىلعان زاڭ مەن تاۋەلسىزدىك تىزگىنىن تىرەك ەتكەن كەزدەگى قۇرىلعان زاڭنىڭ ۇقساستىقتارى مەن ايىرماشىلىعىنا ءمان بەرەيىك.
1.پرەزيدەنتتىڭ ەل باسقارۋى، وكىلەتتىلىگى، ۆيتسە-مينيستر، ءماجىلىس دەپۋتاتتارى تۋرالى زاڭ ەكى جاققا دا ورتاق، بىردەي.
2. ادام بالاسىنىڭ قۇقى تۋرالى زاڭ سىرتانوۆتىڭ ەڭبەگىندە مۇسىلماندىق قۇقىق نورمالارىنا سايكەس قۇرىلعان. ال اتا زاڭىمىز كوپۇلتتى مەملەكەتكە ارنايى بەكىتىلگەن.
3. «قازاق ەلىنىڭ جەرى ساۋداعا تۇسپەيدى». الاشوردا كەزىندەگى تۇسىنىك قازىر تالان تاراجعا ءتۇستى. جەرىمىز وزگە ەلگە ساتىلۋعا ءسال قالدى. قالىڭ قازاق بىرىگىپ، ماراتوري جاريالاندى. قۋانىشىمىزعا وراي، جەر شەتەلدىكتەرگە ساتىلمايتىن بولدى.
4.جەر سالىعى بۇرىننان بار.
5.سوت بيلىگىنە قاتىستى قاعيدالار دا ءبىر-بىرىنە ۇقساس. سۋديانىڭ ەشكىمنىڭ ۇگىت-ناسيحاتىنسىز، زاڭعا باعىنىپ، ءادىل شەشىم شىعارۋى كونستيتۋتسيامىزدا دا كورسەتىلگەن.
قۇرىلىمى جاعىنان قازاق ەلىنىڭ ۋستاۆى پرەامبۋلادان، 4 تاراۋدان جانە 28 باپتان تۇرادى:
1-تاراۋ قازاق ەلى رەسپۋبليكاسىنىڭ جەكە بولۋى تۋراسىندا
2-تاراۋ ادام بالاسىنىڭ حۇقى تۋراسىندا
3-تاراۋ قازاق جەرى تۋراسىندا،
4-تاراۋ سوت تۋراسىندا دەپ اتالادى.
1995 جىلى 30 تامىزدا رەفەرەندۋمدا قابىلدانعان اتا زاڭىمىز 9 باپتان 98 تاراۋدان تۇرادى. قاستەرلى قۇجات سانالاتىن بۇل زاڭ جيناققا كۇنى بۇگىنگە دەيىن جۇزدەن استام وزگەرتۋلەر ەنگىزىلدى. پرەزيدەنتكە قاتىستى ءبولىمنىڭ ءوزى 33 رەت جاڭارعان.
25 جاسىندا قازاق ەلىنىڭ العاشقى زاڭىن جازعان بارلىبەك سىرتانوۆ 28 جاسىندا قۇرت اۋرىنان دۇنيە سالادى. تاريح تاراۋىنا تولقۋ ەنگىزگەن «سىرتانوۆ» اتىنا بۇگىن دە 106 جىل تولدى.
ءىنجۋ ومىرزاق،
"ادىرنا" ۇلتتىق پورتالى
