بۇل تۋرالى م.نارىكباەۆ اتىنداعى كازگيۋ ۋنيۆەرسيتەتىنىڭ جوعارى قۇقىق مەكتەبىنىڭ دەكانى ولگا بەكتىباەۆا "زەينەتاقىمەن قامسىزداندىرۋ تۋرالى" قر زاڭىنىڭ وقىلۋىن ارتتىرۋ بويىنشا پيلوتتىق جوبانىڭ ارالىق ناتيجەلەرىنىڭ تۇساۋكەسەرىندە ايتتى.
«Readability of Legal Acts» («قۇقىقتىق اكتىلەردىڭ وقىلۋى») جوباسى اياسىندا ءبىز ەلىمىزدىڭ كەز كەلگەن كامەلەتكە تولعان ازاماتى ءتۇسىنۋى ءۇشىن زەينەتاقىمەن قامسىزداندىرۋ تۋرالى قولدانىستاعى زاڭدى نەعۇرلىم قولجەتىمدى تىلدە قايتا جازىپ كورۋدى ءجون كوردىك», - دەدى و.بەكتىباەۆا.
قۇقىق جوعارى مەكتەبىنىڭ دەكانى پيلوتتىق جوبانى ىسكە اسىرۋدىڭ نەگىزگى كەزەڭدەرى مەن ناتيجەلەرىمەن ءبولىسىپ، زاڭدى قول جەتىمدى تىلدە قالاي جازۋعا بولاتىندىعى تۋرالى ايتىپ بەردى.
«جالپى زاڭنىڭ وقىلىمىن باعالاۋ ادىستەمەسىندە 25-تەن استام سوزدەن تۇراتىن سويلەمدەر قابىلداۋ ءۇشىن وتە كۇردەلى. ءبىزدىڭ زەينەتاقىمەن قامسىزداندىرۋ تۋرالى زاڭىمىزدا سويلەمنىڭ ورتاشا ۇزىندىعى 32 سوزدەن تۇرادى! ياعني، زاڭ ماتىنىندەگى سويلەمدەردىڭ ءابسوليۋتتى كوپشىلىگى سونشالىقتى كۇردەلى، ولار دۇرىس قابىلداۋ ءۇشىن وقىرماننىڭ عىلىمي دارەجەسىن تالاپ ەتەدى.
بۇل رەتتە ورتا ءبىلىمى بار ادام ءۇشىن (ال قازاقستاندا بۇل ءاربىر ءبىلىم دەڭگەيىنە كەپىلدىك بەرىلگەن جالعىز دەڭگەي) دۇرىس ءتۇسىنۋ ءۇشىن سويلەمنىڭ ورتاشا ۇزىندىعى 13 سوزدەن اسپايتىن ماتىندەر قولايلى بولىپ ەسەپتەلەدى. زەينەتاقىمەن قامسىزداندىرۋ تۋرالى زاڭدا بۇل كورسەتكىش 2,5 ەسەدەن استى», - دەدى قۇقىق جوعارى مەكتەبىنىڭ دەكانى.
پيلوتتىق جوبانىڭ تۇساۋكەسەرىنە ادىلەت مينيسترلىگىنىڭ زاڭناما دەپارتامەنتىنىڭ ديرەكتورى دارحان جۇمابايۇلى يگەمباەۆ قاتىسىپ، جوباعا قىزىعۋشىلىق تانىتتى جانە ونى باسقا ءنورماتيۆتى-قۇقىقتىق اكتىلەرگە دە قولدانۋ ءۇشىن پيلوتتى ىسكە اسىرۋدا سەرىكتەستىك نيەتىن ءبىلدىردى.
قوسىمشا سۇراقتار مەن كەرى بايلانىس: +7 (747) 926-02-60 (ايدار), +7 (706) 107-01-76 (گۇلجانات). e-mail: PR@kazguu.kz
