شىمكەنت قالاسىنداعى №2 قالالىق اۋرۋحاناسىنىڭ باس دارىگەر قىزمەتىنە بەردىحودجاەۆ مىڭجىلقى تاعايىندالدى. مىڭجىلقى سايلاۋۇلى ەلىمىزدەگى نەيروحيررۋگيا سالاسىن دامىتىپ، الەمدى مويىنداتقان بىلىكتى دارىگەر. بەردىحودجاەۆ مىڭجىلكى 1998 جىلى قاراعاندى قالاسىنداعى مەديتسينا اكادەمياسىندا ءبىلىم العان. 2006 جىلى «بولاشاق» پرەزيدەنتتىك باعدارلاماسىمەن سانكت-پەتەربۋرگ قالاسىنداعى س.م.كيروۆ اتىنداعى اسكەري-مەديتسينالىق اكادەمياسىنىڭ كلينيكالىق ورديناتۋراسىنا وقۋعا تۇسكەن.
دارىگەرلىك ەڭبەك جولىن استانا قالاسىنداعى رەسپۋبليكالىق نەيروحيرۋرگيالىق عىلىمي ورتالىقتا ەندوۆاسكۋليارلىق نەيروحيرۋرگ بولىپ باستادى. 2014 جىلى قر پرەزيدەنتى ءىس باسقارماسىنىڭ مەديتسينالىق ورتالىعىنىڭ ورتالىق كلينيكالىق اۋرۋحاناسىندا ينتەرۆەنتسيالىق كارديولوگيا بولىمشەسىندە ينتەرۆەنتسيالىق نەيروراديولوگ بولىپ جۇمىس ىستەدى. سونداي-اق الماتى قالاسىنداعى №7 اۋرۋحانادا نەيروحيررۋگيا ءبولىمىن باسقارعان. 2016 جىلى الماتى قالاسىنداعى ورتالىق كلينيكالىق اۋرۋحاناسىندا ەندوۆاسكۋليارلىق نەيروحيرۋرگيا ورتالىعىنىڭ باسشىسى بولىپ قىزمەت اتقارعان. ال 2020 جىلدىڭ جەلتوقسان ايىنان باستاپ قازىرگە دەيىن «كazneuro تامىرلى جانە ينتەرۆەنتسيالىق نەيروحيرۋرگيا جانە نەۆرولوگيا دارىگەرلەرىنىڭ قوعامى» بىرلەستىگىنىڭ جەتەكشىسى بولعان.
التىن قولدى حيرۋرگ بۇگىنگە دەيىن 5000-نان اسا باس ميىنىڭ تامىرلارىنا جوعارى تەحنولوگيالىق وتاسىن جاساعان.
شىمكەنت قالاسى اكىمدىگىنىڭ ءباسپاسوز قىزمەتى
➖➖➖➖➖➖➖➖➖➖➖➖➖➖➖➖
