بۇگىندە جەدەل جاردەم ورتالىعىنداعى ماماندار تىنىمسىز ەڭبەك ەتۋدە. اسىرەسە پاندەميا تۇسىندا 103 جەلىسىندەگى ماماندارعا ۇلكەن سالماق ءتۇستى. ءوز باستارىن قاۋىپكە تىگە وتىرا ناۋقاستارعا جەدەل جاردەم كورسەتۋگە اسىقتى.
جەدەل جاردەم – بۇل ناۋقاس اداممەن ەڭ ءبىرىنشى بولىپ بەتپە-بەت كەزدەسۋ، العاشقى شۇعىل كومەك كورسەتۋ. ەڭ العاش ناۋقاس ادام جەدەل جاردەمگە قوڭىراۋ شالادى. ناۋقاستىڭ جاعدايىن انىقتاپ، دياگنوز قوياتىن دا سولار. سول دياگنوزبەن اۋرۋحاناعا جەتكىزگەنگە دەيىن كومەك كورسەتۋ مىندەتى بولىپ تابىلادى.
وسىنداي قيىندىعى باسىم قىزمەت سالاسىندا جولداسبەك توعاناەۆ ون جىلدان اسا ۋاقىت جۇمىس جاساپ كەلە جاتىر. سول ۋاقىت ارالىعىندا اۋىر جاعدايداعى ناۋقاستارعا ءساتتى رەانيماتسيا جاساپ، اجالدان اراشالاپ قالعان ابزال جانداردىڭ ءبىرى. بىلىكتى مامان بيىلدىڭ وزىندە ەكى تۇرعىندا ءساتتى رەانيماتسيا جاساپ، امان قالۋىنا سەبەپكەر بولدى.
جەدەل جاردەم قىزمەتكەرلەرىنىڭ بويىندا باتىلدىق پەن جاناشىرلىق بولۋ كەرەك دەپ ەسەپتەيدى جاس مامان.
«جۇمىسىمدى قاتتى جاقسى كورەمىن. ادامدارعا كومەكتەسكەندى ۇناتامىن. ناۋقاستاردىڭ جەڭىلدەپ، جاعدايلارى جاقسارعان كەزدەگى بەينەلەرىن كورسەك ءبىز ءۇشىن سول قۋانىش. ۇلكەن كىسىلەر باتالارىن بەرىپ تە جاتادى. بۇل وڭاي كاسىپ ەمەس، ارينە. كەيدە قىسىلتاياڭ جاعدايلارعا تاپ بولاسىڭ، وندايدا تەز ويلاپ، جىلدام شەشىم قابىلداۋ كەرەك، - دەيدى دارىگەر.
جولداسبەكتى ارىپتەستەرى كاسىبي مامان دەپ ەرەكشە قۇرمەت تۇتادى. سەبەبى جەدەل جاردەم قاجەت ەتەتىن ناۋقاستارعا شۇعىل كومەك كورسەتۋدە ءوزىنىڭ كاسىبيلىگىن تانىتىپ كەلەدى.
شىمكەنت قالاسى اكىمدىگىنىڭ ءباسپاسوز قىزمەتى
