Búginde jedel járdem ortalyǵyndaǵy mamandar tynymsyz eńbek etýde. Ásirese pandemııa tusynda 103 jelisindegi mamandarǵa úlken salmaq tústi. Óz bastaryn qaýipke tige otyra naýqastarǵa jedel járdem kórsetýge asyqty.
Jedel járdem – bul naýqas adammen eń birinshi bolyp betpe-bet kezdesý, alǵashqy shuǵyl kómek kórsetý. Eń alǵash naýqas adam jedel járdemge qońyraý shalady. Naýqastyń jaǵdaıyn anyqtap, dıagnoz qoıatyn da solar. Sol dıagnozben aýrýhanaǵa jetkizgenge deıin kómek kórsetý mindeti bolyp tabylady.
Osyndaı qıyndyǵy basym qyzmet salasynda Joldasbek Toǵanaev on jyldan asa ýaqyt jumys jasap kele jatyr. Sol ýaqyt aralyǵynda aýyr jaǵdaıdaǵy naýqastarǵa sátti reanımaııa jasap, ajaldan arashalap qalǵan abzal jandardyń biri. Bilikti maman bıyldyń ózinde eki turǵynda sátti reanımaııa jasap, aman qalýyna sebepker boldy.
Jedel járdem qyzmetkerleriniń boıynda batyldyq pen janashyrlyq bolý kerek dep esepteıdi jas maman.
«Jumysymdy qatty jaqsy kóremin. Adamdarǵa kómekteskendi unatamyn. Naýqastardyń jeńildep, jaǵdaılary jaqsarǵan kezdegi beınelerin kórsek biz úshin sol qýanysh. Úlken kisiler batalaryn berip te jatady. Bul ońaı kásip emes, árıne. Keıde qysyltaıań jaǵdaılarǵa tap bolasyń, ondaıda tez oılap, jyldam sheshim qabyldaý kerek, - deıdi dáriger.
Joldasbekti áriptesteri kásibı maman dep erekshe qurmet tutady. Sebebi jedel járdem qajet etetin naýqastarǵa shuǵyl kómek kórsetýde óziniń kásibıligin tanytyp keledi.
Shymkent qalasy ákimdiginiń baspasóz qyzmeti
