جول جوندەۋ جۇمىستارىنىڭ بارىسىندا ءبىرىنشى كەزەكتە ساپاسى سالا ماماندارىنىڭ ءجىتى قاداعالاۋىندا بولۋ قاجەت. سونىمەن قاتار، تەحنيكالىق قاداعالاۋشىلار تاراپىنان ورىندالعان ءاربىر جۇمىسقا زەرتحانالىق سىناقتامالار جۇرگىزىلىپ، ساپاسى تەكسەرىلۋى ءتيىس. مۇنداي تاپسىرمانى شىمكەنت قالاسىنىڭ اكىمى مۇرات ايتەنوۆ كەزەكتى رەت د.قوناەۆ داڭعىلى مەن ت.رىسقۇلوۆ كوشەسى قيىلىسىنداعى جول ايرىعى قۇرىلىسىنىڭ بارىسىن تەكسەرۋ بارىسىندا ايتتى.
بۇگىنگە دەيىن، 3,74 شاقىرىم سۋ، گاز قۇبىرلارى مەن 4 شاقىرىم ەلەكتر سىمدارىنىڭ ورنى اۋىستىرىلىپ، 7 دانا باعانا ورناتىلدى. سونىمەن قاتار، 320 مەتر جەر استى وتكەلى قازىلسا، 260 مەتر تىرەۋ قابىرعالارى مەن 110 دانا قادا قۇيۋ جۇمىسى اياقتالعان. جەر استى وتكەلىنىڭ ىشكى قابىرعالارىن گرانيت تاقتايشالارمەن قاپتاۋ جوسپارلانۋدا.
قالا اكىمى قوناەۆ داڭعىلى جالعاسىنىڭ قۇرىلىسىن بارىپ كوردى. نىساننىڭ جالپى ۇزىندىعى 580 مەتر. كوشەنىڭ ەنى 42 مەتر، 6 جولاقتى. قازىرگى تاڭدا، جول جامىلعىسىمەن بىرگە 400 مەتر جۇمىس اياقتالعان. كوشە قۇرىلىسى ءۇشىن جەكە مەنشىك ۇيلەردى مەملەكەت يەلىگىنە العاننان كەيىن قالعان بولىگىن قۇرۋ جۇمىسى جۇرگىزىلەدى.
قۇرىلىستىڭ ءى كەزەڭىن اياقتاۋ وسى جىلدىڭ ماۋسىم ايىنا جوسپارلانىپ وتىر. ال نىساننىڭ ءىى كەزەڭىنىڭ قۇرىلىس جۇمىستارىن باستاۋ ءۇشىن، ياعني، «ماگنوليا» دۇكەنىنەن تەرەشكوۆا كوشەسىنە دەيىنگى ارالىقتا جەكە مەنشىك ۇيلەردى مەملەكەت يەلىگىنە العاننان كەيىن باستالاتىن بولادى.
شىمكەنت قالاسى اكىمدىگىنىڭ ءباسپاسوز قىزمەتى
