D. Qonaev dańǵyly jalǵasynyń qurylysy qala ákiminiń baqylaýynda

2926

Jol jóndeý jumystarynyń barysynda birinshi kezekte sapasy sala mamandarynyń jiti qadaǵalaýynda bolý qajet. Sonymen qatar, tehnıkalyq qadaǵalaýshylar tarapynan oryndalǵan árbir jumysqa zerthanalyq synaqtamalar júrgizilip, sapasy tekserilýi tıis. Mundaı tapsyrmany Shymkent qalasynyń ákimi Murat Áıtenov kezekti ret D.Qonaev dańǵyly men T.Rysqulov kóshesi qıylysyndaǵy jol aıryǵy qurylysynyń barysyn tekserý barysynda aıtty.

Búginge deıin, 3,74 shaqyrym sý, gaz qubyrlary men 4 shaqyrym elektr symdarynyń orny aýystyrylyp, 7 dana baǵana ornatyldy. Sonymen qatar, 320 metr jer asty ótkeli qazylsa, 260 metr tireý qabyrǵalary men 110 dana qada quıý jumysy aıaqtalǵan. Jer asty ótkeliniń ishki qabyrǵalaryn granıt taqtaıshalarmen qaptaý josparlanýda.

Qala ákimi Qonaev dańǵyly jalǵasynyń qurylysyn baryp kórdi. Nysannyń jalpy uzyndyǵy 580 metr. Kósheniń eni 42 metr, 6 jolaqty. Qazirgi tańda, jol jamylǵysymen birge 400 metr jumys aıaqtalǵan. Kóshe qurylysy úshin jeke menshik úılerdi memleket ıeligine alǵannan keıin qalǵan bóligin qurý jumysy júrgiziledi.

Qurylystyń I kezeńin aıaqtaý osy jyldyń maýsym aıyna josparlanyp otyr. Al nysannyń II kezeńiniń qurylys jumystaryn bastaý úshin, ıaǵnı, «Magnolııa» dúkeninen Tereshkova kóshesine deıingi aralyqta jeke menshik úılerdi memleket ıeligine alǵannan keıin bastalatyn bolady.

Shymkent qalasy ákimdiginiń baspasóz qyzmeti

 

 

Pikirler
Redakııa tańdaýy