قازىرگى زاماندا ومىرگە قاۋىپ توندىرەتىن جاعدايعا تاپ بولۋ وتە ءجيى كەزدەسەدى. ولاردىڭ ىشىندە بالالاردىڭ بالالىعىمەن ءورتتىڭ شىعۋى ءجيى ورىن الىپ جاتادى. سوندىقتان بالاعا ءوز ءىس-ارەكەتتەرىن تۇسىنە باستاعان شاقتا ءورت قاۋىپسىزدىگى جايىندا جانە جانۋ جاعدايى كەزىندە ءوزىن ۇستاۋ ەرەجەلەرىن ۇيرەتكەن ءجون.
وسىنداي جاعدايلاردىڭ ورىن الماۋى ءۇشىن شىمكەنت قالالىق تجد قاراتاۋ اۋداندىق ءبولىمىنىڭ باسشىسى ە.تاسقاراەۆ بالالارعا ارناپ انيماتسيالىق مۋلتفيلم شىعارۋدى قولعا الدى. جوبا اۆتورى ەركەبۇلان تاسقاراەۆ «بەبەۋ» دەپ اتالاتىن تۋىندىنى ازاماتتىق قورعانىس سالاسىنىڭ 25 جىلدىعىنا ارناپ وتىر.
انيماتسيالىق تۋىندىدا ءورت سوندىرۋشىلەردىڭ كۇندەلىكتى ءومىرى كورىنىس تاپقان. مىسالى، «بەبەۋ» دە اكەسى سياقتى ءورت ءسوندىرۋشى بولعىسى كەلىپ، ءبىر كۇنى اكەسىنىڭ جۇمىسىنا بارادى. بىراق اكەسى ونىڭ ءالى جاس ەكەنىن ايتىپ، ۇيىنە قايتارادى. قايتار جولدا بەبەۋ ءتۇرلى وقيعالارعا تاپ بولعان ادامدارعا كومەكتەسەدى. وسى ارقىلى ءبىز ءورت سوندىرۋشىلەردىڭ قىزمەتىن كورسەتكىمىز كەلدى دەيدى ەركەبۇلان.
ەركەبۇلان تاسقاراەۆ توتەنشە جاعدايلار قىزمەتى سالاسىندا 2010 جىلدان بەرى ەڭبەك ەتىپ كەلەدى. ونىڭ بۇلدىرشىندەرگە ارناپ جازعان اڭگىمەسى اۋەلى كوميكس كىتاپشا رەتىندە جارىق كوردى. كەيىن تاقىرىپ اۋقىمى كەڭەيىپ، وزەكتى جوباعا اينالىپ وتىر. ول وتكەن جىلى انيماتسيالىق ستۋدياداعى ماماندارمەن بىرلەسىپ، تۋىندىنىڭ ترەيلەرىن شىعاردى. ترەيللەر رەتىندە تانىلعان «بەبەۋدىڭ» تولىقمەتراجدى مۋلتفيلم بولاتىن كۇنى دە الىس ەمەس. اۆتور قىزمەت بارىسىندا ەرلىكپەن قازا بولعان ارىپتەستەرىنىڭ ءومىرىن كورسەتۋ ءۇشىن جوبانى كەلەشەكتە سەريالعا اينالدىرۋدى جوسپارلاپ وتىر.
شىمكەنت قالاسى اكىمدىگىنىڭ ءباسپاسوز قىزمەتى
