Qazirgi zamanda ómirge qaýip tóndiretin jaǵdaıǵa tap bolý óte jıi kezdesedi. Olardyń ishinde balalardyń balalyǵymen órttiń shyǵýy jıi oryn alyp jatady. Sondyqtan balaǵa óz is-áreketterin túsine bastaǵan shaqta órt qaýipsizdigi jaıynda jáne janý jaǵdaıy kezinde ózin ustaý erejelerin úıretken jón.
Osyndaı jaǵdaılardyń oryn almaýy úshin Shymkent qalalyq TJD Qarataý aýdandyq bóliminiń basshysy E.Tasqaraev balalarǵa arnap anımaııalyq mýltfılm shyǵarýdy qolǵa aldy. Joba avtory Erkebulan Tasqaraev «Bebeý» dep atalatyn týyndyny Azamattyq qorǵanys salasynyń 25 jyldyǵyna arnap otyr.
Anımaııalyq týyndyda órt sóndirýshilerdiń kúndelikti ómiri kórinis tapqan. Mysaly, «Bebeý» de ákesi sııaqty órt sóndirýshi bolǵysy kelip, bir kúni ákesiniń jumysyna barady. Biraq ákesi onyń áli jas ekenin aıtyp, úıine qaıtarady. Qaıtar jolda Bebeý túrli oqıǵalarǵa tap bolǵan adamdarǵa kómektesedi. Osy arqyly biz órt sóndirýshilerdiń qyzmetin kórsetkimiz keldi deıdi Erkebulan.
Erkebulan Tasqaraev Tótenshe jaǵdaılar qyzmeti salasynda 2010 jyldan beri eńbek etip keledi. Onyń búldirshinderge arnap jazǵan áńgimesi áýeli komıks kitapsha retinde jaryq kórdi. Keıin taqyryp aýqymy keńeıip, ózekti jobaǵa aınalyp otyr. Ol ótken jyly anımaııalyq stýdııadaǵy mamandarmen birlesip, týyndynyń treılerin shyǵardy. Treıller retinde tanylǵan «Bebeýdiń» tolyqmetrajdy mýltfılm bolatyn kúni de alys emes. Avtor qyzmet barysynda erlikpen qaza bolǵan áriptesteriniń ómirin kórsetý úshin jobany keleshekte serıalǵa aınaldyrýdy josparlap otyr.
Shymkent qalasy ákimdiginiń baspasóz qyzmeti
