قوعامىمىزداعى ەڭ قاۋىپتى ماماندىقتاردىڭ ءبىرى – ءورت ءسوندىرۋشى مامان قىزمەتى. ولار كۇن سايىن ءوز ءومىرىن تاۋەكەلگە تىگىپ، ءتىلسىز جاۋمەن الىسادى. تالاي ادام ءومىرىن امان ساقتاپ، ءوز جۇمىسىن ادال اتقارىپ كەلە جاتقان جاندار ەلىمىزدە از ەمەس. سولاردىڭ ءبىرى - شىمكەنت قالاسىنىڭ توتەنشە جاعدايلار دەپارتامەنتى مەملەكەتتىك ءورت باقىلاۋ باسقارماسىندا اعا ينجەنەر، ازاماتتىق قورعاۋ كاپيتانى ازامات بۋلدۋرىكوۆ.
ءاربىر قۇتقارىلعان ادام-ورتكە قارسى قىزمەتتىڭ كىزمەتكەرلەرى ءۇشىن ۇلكەن قۋانىش جانە ساتتىلىك. وسىنداي قۋانىشقا جانە حالىقتىڭ العىسىنا بولەنىپ جۇرگەن ازامات مىرزا كوپتەگەن ءىرى جانە سوزىلمالى ورتتەردى ءسوندىرۋ كەزىندە الدىڭعى شەپتەن كورىندى. سولاردىڭ ءبىرى 2017 جىلى «شىمكەنت مۇناي ونىمدەرى» اق مۇناي بازاسىنىڭ رەزەرۆۋار پاركىندەگى ورىن العان ءورتتى ءسوندىرۋ بارىسىندا ازامات بۋلدۋرىكوۆ ءوز تاباندىلىعىن كورسەتىپ، جەكە قۇرامعا ۇلگى بولا ءبىلدى. وسى ورتتە كورسەتكەن ەرلىگى ءۇشىن «توتەنشە جاعدايداعى ەرلىگى ءۇشىن» مەدالىمەن ماراپاتتالعان.
سونىمەن قوسا جاس مامان ا.بايتۇرسىنوۆ كوشەسىنىڭ بويىنداعى كوپقاباتتى ءۇي پاتەرىنىڭ بىرىندە ورىن العان ءورتتى ءسوندىرۋ بارىسىندا كاسىبيلىگىن تاعى دا دالەلدەدى. ول ءتورتىنشى قاباتتا پاتەرگە تولعان تۇتىننەن تۇنشىققان ايەل كىسىمەن ونىڭ نەمەرەسىنە تەز ارادا كومەك كورسەتىپ، سۇلگىنى سۋلاپ تىنىس الۋ ورگاندارىن جاۋىپ، بالانى كوتەرىپ، قارت كىسىنى جەتەكتەپ سىرتقا بەتتەيدى. ءۇشىنشى قاباتقا جەتكەندە گاز-تۇتىننەن قورعاۋ قىزمەتىنىڭ بۋىنىن كورىپ قولىنداعى قىزدى ارىپتەسىنە بەرىپ، ءوزى ايەل كىسىنى سىرتقا الىپ شىعىپ، العاشقى مەديتسينالىق كومەك كورسەتەدى. ودان ءارى ۇيگە قايتا كىرىپ، ءورتتى سوندىرۋگە جەتەكشىلىك ەتتى. اتالعان ءورتتى ءسوندىرۋ بارىسىندا 3 ادام قۇتقارىلىپ، 7 ادام قاۋىپسىز ايماققا كوشىرىلدى. ءۇيدىڭ تۇرعىندارى ءومىرىن قۇتقارعان ءورت سوندىرۋشىلەرگە العىسىن ءبىلدىرىپ، شىمكەنت قالاسى تجد باستىعىنىڭ اتىنا العىس حات جازدى.
جاس بولسادا ءوزىنىڭ بىلىكتىلىگىن تانىتا بىلگەن ازاماتتىق قورعاۋ كاپيتانى ازامات بۋلدۋرىكوۆ قازاقستان رەسپۋبليكاسى پرەزيدەنتىنىڭ 2020 جىلعى 3 جەلتوقسانداعى جارلىعىمەن «ەرلىگى ءۇشىن» مەدالىمەن جانە قر ىشكى ىستەر مينيسترلىگىنىڭ اتىنان «توتەنشە جاعدايلاردىڭ الدىن الۋدا جانە جويۋدا ۇزدىك شىققانى ءۇشىن» مەدەلىمەن ماراپاتتالعان. سونىمەن قوسا، ول «قازاقستاننىڭ 100 جاڭا ەسىمى» جوباسىنىڭ ءتورتىنشى كەزەڭىنە قاتىسۋ ءۇشىن ءوتىنىم بىلدىرگەن.
شىمكەنت قالاسى اكىمدىگىنىڭ ءباسپاسوز قىزمەتى
