Qoǵamymyzdaǵy eń qaýipti mamandyqtardyń biri – órt sóndirýshi maman qyzmeti. Olar kún saıyn óz ómirin táýekelge tigip, tilsiz jaýmen alysady. Talaı adam ómirin aman saqtap, óz jumysyn adal atqaryp kele jatqan jandar elimizde az emes. Solardyń biri - Shymkent qalasynyń tótenshe jaǵdaılar departamenti Memlekettik órt baqylaý basqarmasynda aǵa ınjener, azamattyq qorǵaý kapıtany Azamat Býldýrykov.
Árbir qutqarylǵan adam-órtke qarsy qyzmettiń kyzmetkerleri úshin úlken qýanysh jáne sáttilik. Osyndaı qýanyshqa jáne halyqtyń alǵysyna bólenip júrgen Azamat myrza kóptegen iri jáne sozylmaly órtterdi sóndirý kezinde aldyńǵy shepten kórindi. Solardyń biri 2017 jyly «Shymkent Munaı Ónimderi» AQ munaı bazasynyń rezervýar parkindegi oryn alǵan órtti sóndirý barysynda Azamat Býldýrykov óz tabandylyǵyn kórsetip, jeke quramǵa úlgi bola bildi. Osy órtte kórsetken erligi úshin «Tótenshe jaǵdaıdaǵy erligi úshin» medalimen marapattalǵan.
Sonymen qosa jas maman A.Baıtursynov kóshesiniń boıyndaǵy kópqabatty úı páteriniń birinde oryn alǵan órtti sóndirý barysynda kásibıligin taǵy da dáleldedi. Ol tórtinshi qabatta páterge tolǵan tútinnen tunshyqqan áıel kisimen onyń nemeresine tez arada kómek kórsetip, súlgini sýlap tynys alý organdaryn jaýyp, balany kóterip, qart kisini jetektep syrtqa betteıdi. Úshinshi qabatqa jetkende gaz-tútinnen qorǵaý qyzmetiniń býynyn kórip qolyndaǵy qyzdy áriptesine berip, ózi áıel kisini syrtqa alyp shyǵyp, alǵashqy medıınalyq kómek kórsetedi. Odan ári úıge qaıta kirip, órtti sóndirýge jetekshilik etti. Atalǵan órtti sóndirý barysynda 3 adam qutqarylyp, 7 adam qaýipsiz aımaqqa kóshirildi. Úıdiń turǵyndary ómirin qutqarǵan órt sóndirýshilerge alǵysyn bildirip, Shymkent qalasy TJD bastyǵynyń atyna alǵys hat jazdy.
Jas bolsada óziniń biliktiligin tanyta bilgen azamattyq qorǵaý kapıtany Azamat Býldýrykov Qazaqstan Respýblıkasy Prezıdentiniń 2020 jylǵy 3 jeltoqsandaǵy Jarlyǵymen «Erligi úshin» medalimen jáne QR Ishki ister mınıstrliginiń atynan «Tótenshe jaǵdaılardyń aldyn alýda jáne joıýda úzdik shyqqany úshin» medelimen marapattalǵan. Sonymen qosa, ol «Qazaqstannyń 100 jańa esimi» jobasynyń tórtinshi kezeńine qatysý úshin ótinim bildirgen.
Shymkent qalasy ákimdiginiń baspasóz qyzmeti
