ءبىلىم بەرۋ كەڭىستىگىندە تاجىريبەسىمەن ءبىلىمى ءبىر قاتاردا ۇيلەسكەن، ءوز ماماندىعىنىڭ شەبەرى، كاسىبي ۇستاز ءا.قاستەەۆ اتىنداعى ونەر جانە ديزاين كوللەدجىنىڭ «ديزاين» كافەدراسىنىڭ ارنايى ءپان وقىتۋشىسى اننا التىنباەۆا. شاكىرت جۇرەگىنە جول تاپقان ۇلاعاتتى ۇستاز – «ناعىز ۇستاز بولۋ - باقىت ءارى ابىروي» دەپ سانايدى. ءوزىنىڭ ءبىلىمىن ۇنەمى جەتىلدىرىپ وتىراتىن اننا حانىم تاربيەلەپ وتىرعان شاكىرتتەرى دە ءاردايىم بيىك شىڭنان كورىنىپ وتىرادى.
ماسەلەن، وقۋشىسى قوجان ۇلپان «WorldSkills Kazakhstan 2019» - V رەسپۋبليكالىق كاسىبي شەبەرلىك چەمپيوناتىنا قاتىسىپ، باس جۇلدەنى جەڭىپ العان. ول «ۆيزۋالنىي مەرچاندايزينگ جانە ۆيترينيستيكا» قۇزىرەتتىلىگى بويىنشا قاتىسقان بولاتىن. سونىمەن قوسا شاكىرتتەرى «سوۆرەمەننىي دوم»، «عىلىمي- زەرتتەۋ جانە شىعارماشىلىق جوبالار» جانە يۋنەسكو جوباسى اياسىندا وتكەن «بالالار الەمدى بەينەلەيدى»، «جيھاز بەن اعاشتى وڭدەۋ ونەركاسىبى» سىندى بايقاۋلارعا قاتىسىپ، ۇنەمى جەڭىس تۇعىرىنان كورىنگەن.
20 جىلدىق ۇستازدىق جولىندا جەمىستى ناتيجەلەرگە جەتكەن اننا التىنباەۆا «ۇزدىك پەداگوگ-2020» مارتەبەسىن الىپ، 400 مىڭ تەڭگەنىڭ سەرتيفيكاتىنا يە بولعان.
ونىڭ ءار ىسىنەن شىعارماشىلىقتى، جوعارى پەداگوگيكالىق بىلىك پەن ىزدەنىمپازدىقتى كورە الاسىز. ءوزىنىڭ ادىستەمەلىك شەبەرلىگىن شىڭداپ، وقۋ ۇردىسىنە جاڭا تەحنولوگيالاردى ەنگىزۋدە وزىندىك جۇيە قالىپتاستىرىپ ۇنەمى جوعارى حالىقارالىق يننوۆاتسيالارعا تەڭەستىرىپ وتىرادى.
شىمكەنت قالاسى اكىمدىگىنىڭ ءباسپاسوز قىزمەتى
